'२ वर्षांपासून झगडतो आहोत पण....', मृण्मयी देशपांडेची पोस्ट आली चर्चेत
By ऑनलाइन लोकमत | Published: October 19, 2022 10:59 AM2022-10-19T10:59:02+5:302022-10-19T10:59:34+5:30
Mrunmayee Deshpande: मृण्मयी देशपांडेने सोशल मीडियावर एक पोस्ट शेअर केली आहे, जी चर्चेत आली आहे.
'२ वर्षांपासून झगडतो आहोत पण....', मृण्मयी देशपांडेची पोस्ट आली चर्चेत
Next मालिका ते चित्रपट असा प्रवास करणारी मराठी चित्रपटसृष्टीतील प्रसिद्ध अभिनेत्री मृण्मयी देशपांडेने आपल्या अभिनय कौशल्याने रसिकांच्या मनात घर केले आहे. ती सोशल मीडियावर असून ती या माध्यमातून चाहत्यांना अपडेट देत असते. तसेच तिची बहिणी गौतमीसोबतही मजेशीर व्हिडीओ आणि पोस्ट शेअर करत असते. दरम्यान आता तिने सोशल मीडियावर एक पोस्ट शेअर केली आहे, जी चर्चेत आली आहे.
मृण्मयी देशपांडेने इंस्टाग्रामवर एक फोटो शेअर केला आहे. यात एका घराचा फोटो पाहायला मिळतो आहे. तिने हा फोटो शेअर करत लिहिले की, Dream in progress! जगायला काय लागतं? १०×२० ची आनंदी जागा आणि ज्याच्या बरोबर स्वप्न पूर्ण करायचं आहे त्याचा हात... २ वर्षांपासून झगडतो आहोत पण आता मिटल्या डोळ्यांमागचं स्वप्न डोळ्यांसमोर दिसतं आहे... अजून खूप मजल मारायची आहे पण, one step at a time! मृण्मयी देशपांडेच्या घराचं हे स्वप्न लवकरच पूर्ण होणार आहे. तिच्या या पोस्टवर चाहत्यांसोबत सेलिब्रेटीही कमेंट्स करत आहेत.
मृण्मयी देशपांडेच्या वर्कफ्रंटबाबत सांगायचे झाले तर कट्यार काळजात घुसली', नटसम्राट, 'स्लॅमबुक' सिनेमात तिने जबरदस्त परफॉर्मन्स दिला आहे. 'अग्निहोत्र', 'कुंकू' यासारख्या मालिकांमधून घराघरातील रसिकांच्या मनात अढळ स्थान मिळवले आहे. नाटक, सिनेमा आणि मालिका या तिन्ही माध्यमांत उत्तम अभिनय आणि वैविध्यपूर्ण भूमिका साकारून आपला वेगळा ठसा मृण्मयी देशपांडेने उमटविला आहे.