कोणत्या टीमचा आहे हा पहिला सेल्फी

स�

��ल्फी काढणे हा प्रत्येकाच्या जिव्हाळयाचा विषय बनला आहे. त्यामुळे सध्या कुठे ही असो सेल्फी तो बनता है अशी परिस्थिती प्रत्येकाची झाली आहे. त्यामुळे सेल्फी शिवाय कोणतीही ट्रीप पूर्णच होत नाही. त्याचप्रमाणे सेल्फीशिवाय फोटोसेशनदेखील पूर्ण होत नसल्याचे पाहायला मिळत नाही. एवढचं काय, सेल्फी काढूनच प्रत्येक क्षणाचा आनंद साजरा करताना सर्व पाहायला मिळत आहे. असाच एक सेल्फी ती सध्या काय करते या चित्रपटाच्या संपूर्ण टीमने काढला आहे. या टीमचा हा सेल्फी नुकताच अभिनेत्री तेजश्री प्रधान हिने सोशलमिडीयावर अपलोड केला आहे. तसेच हा आमच्या संपूर्ण टीमचा पहिला सेल्फी असल्याचे तिने आपल्या पोस्टच्या माध्यमातून सांगितले आहे. त्यांच्या या टीमच्या सेल्फीला सोशलमिडीयावर भरभरून लाइक्स मिळताना दिसत आहे. तसेच सध्या या चित्रपटाची जोरदार चर्चा रंगू लागली आहे. सतीश राजवाडे दिग्दर्शित हा चित्रपट आहे. या चित्रपटात अभिनय बेर्डे, आर्या आंबेकर, अंकुश चौधरी, तेजश्री प्रधान या स्टारकास्टचा समावेश आहे. तसेच लक्ष्मीकांत बेर्डे यांचा मुलगा या चित्रपटाच्या माध्यमातून मराठी चित्रपटसृष्ट्रीत पदापर्ण करत असल्यामुळे प्रेक्षकांनी ही या चित्रपटाची उत्सुकता आहे. या चित्रपटात आर्या आंबेकर आणि अभिनय बेर्डे यांची हटके जोडी प्रेक्षकांना पाहायला मिळणार आहे. या चित्रपटातील गाण्यांचीदेखील चर्चा रंगू लागली आहे. या चित्रपटात एकूण ४ गाणी आहेत आणि ही चारही गाणी निलेश मोहरिर, अविनाश-विश्वजीत आणि मंदार आपटे यांनी संगीतबध्द केली आहेत. यात जरा जरा आणि  परीकथेच्या पया ही गाणी अश्विनी शेंडे यांनी शब्दबध्द केली असून ती आर्या आंबेकर आणि हृषिकेश रानडे यांनी गायली आहेत.  ह्दयात वाजे समथिंग हे गाणं विश्वजीत जोशी आणि श्रीरंग गोडबोल यांनी लिहलं आहे तर स्वरबध्द केलंय हृदित पाटणकर, रोहित राऊत आणि आर्या आंबेकर यांनी. या चित्रपटात आर्या अभिनय आणि गायिका या दोन्ही जबाबदारी पार पाडताना दिसणार आहे. हा चित्रपट प्रेक्षकांना नवीन वर्षाची भेट असणार आहे.