​ पुन्हा होणार वायझेडगिरी

व�

��य झेड या चित्रपटाने मध्यंतरीच संपूर्ण तरुणाईला वेड लावले होते. तरुणांच्या जवळचा असलेला विषय या चित्रपटात पाहण्यासाठी यंगिस्तान उत्सुक होते. नावा वरुन तरी या चित्रपटात नक्कीच काहीतरी धमाल असणार असे प्रत्येकालाच वाटत होते. या चित्रपटाच्या प्रदर्शना नंतर वायझेड वरुन खरा पडहा उगडला. या सिनेमाला सर्वच वयोगटातील प्रेक्षकांनी ग्रीन सिग्नल दिला. आता हा चित्रपट पुन्हा एकदा मस्त घरबसल्या पाहता येणार आहे. कारण, या चित्रपटाचा वर्ल्ड टेलिव्हिजन प्रीमियर रविवारी, ११ डिसेंबर रोजी दुपारी १ आणि रात्री ८.३० वाजता स्टार प्रवाहवर होणार आहे. 'वायझेड' ही अबब उर्फ गजाननची गोष्ट आहे. प्राध्यापक असलेल्या अबबला स्वत:विषयी न्यूनगंड आहे. मात्र, शहरातल्या कॉलेजमध्ये शिकवण्यासाठी आल्यावर बत्तीस नावाचा विद्यार्थी त्याला जगण्याविषयी भन्नाट फिलॉसॉफी सांगून कसं मार्गावर आणतो त्याची ही धमाल गोष्ट आहे. क्षितीज पटवर्धनचं खुमासदार लेखन, समीर विद्वांसचं दिग्दर्शन, एकाहून एक सरस गाणी आणि सागर देशमुख, सई ताम्हणकर,मुक्ता बर्वे, पर्ण पेठे, अक्षय टांकसाळे अशी तगडी स्टारकास्ट या चित्रपटाचं वैशिष्ट्य आहे. आपल्या धावपळीच्या जगण्यात अनेक छोट्या छोट्या आनंदांचा आपल्याला विसर पडतो. आपल्याला हवंतसं जगताच येत नाही. आपल्या खºया आणि निरागस व्हर्जनला बाहेर काढून मनमोकळं जगण्याची संधी द्यायलाच हवी असा वायझेड विचार या चित्रपटात आहे. यासाठी स्टार प्रवाहवर या चित्रपटाचा वर्ल्ड टेलिव्हिजन प्रीमियर आवर्जून पहायलाच हवा, रविवारी, ११ डिसेंबर रोजी दुपारी १ आणि रात्री ८.३० वाजता.