निक्की अन् अरबाज पोहचले मनालीत, Vacationचे फोटो सोशल मीडियावर व्हायरल

निक्की आणि अरबाज दोघांनीही सोशल मीडियावर Vacationचे फोटो शेअर केले आहेत.

बिग बॉस मराठीचा पाचवा सिझन नुकताच संपला. या सिझनमध्ये निक्की तांबोळी आणि अरबाझ पटेल यांची हॉट & फिट कपल म्हणून चर्चा रंगली.  'बिग बॉस' संपल्यानंतरही दोघांनी आपलं नात जपलं आहे. बिग बॉसच्या घराबाहेर पडल्यानंतर दोघांचे एकत्र अनेक व्हिडीओ सोशल मीडियावर व्हायरल झाले आहेत. सतत एकमेकांचा हातात हात घेऊन निक्की आणि अरबाज फिरताना दिसतात.  अशातच आता त्यांचे काही फोटो समोर आले आहेत. 

निक्की आणि अरबाज दोघांनीही सोशल मीडियावर Vacationचे फोटो शेअर केले आहेत. यात निक्की आणि अरबाज हे  गाडीतून एकत्र प्रवास करत असल्याचं दिसून येतं. यानंतर  निक्कीने मनाली हिमाचल प्रदेश असं लोकेशन शेअर करत स्टोरी शेअर केली.  यात रूम हिटर देखील पाहायला मिळत आहे. निक्की आणि अरबाज हे पहिल्यांदाच एकत्र फिरायला गेले आहेत.

 

अरबाजच्या आधी निक्की तांबोळीचं नाव बिझनेसमन मनन शाहबरोबर जोडण्याच आलं होतं. दोघे एकमेकांचे फोटो शेअर करायचे. तिने दोघांच्या नात्याची कबुली देखील दिली होती. तर अरबाज याने निक्कीच्या आधी लिझा ब्रिंदा हिला डेट केलं होतं. दोघांचा साखरपूडा झाल्याच्याही चर्चा रंगल्या होत्या. पण, निक्कीच्या प्रेमात पडल्यावर अरबाजने आपलं पहिलं नातं संपवलं.