निक्की तांबोळी बिग बॉसच्या घरातील 'या' सदस्यावर फिदा, छोटा पुढारी घनःश्यामने दिला ग्रीन सीग्नल
By ऑनलाइन लोकमत | Published: July 30, 2024 09:20 AM2024-07-30T09:20:53+5:302024-07-30T09:21:22+5:30
बिग बॉस मराठीच्या घरात दुसऱ्याच दिवशी प्रेमाचे वारे वाहायला सुरुवात झाली आहे. छोटा पुढारीने या प्रकरणात लक्ष घातलेलं दिसतंय (bigg boss marathi 5)
![Nikki Tamboli love with arbaz patel in bigg boss marathi 5 chota pudhari funny clip viral | निक्की तांबोळी बिग बॉसच्या घरातील 'या' सदस्यावर फिदा, छोटा पुढारी घनःश्यामने दिला ग्रीन सीग्नल Nikki Tamboli love with arbaz patel in bigg boss marathi 5 chota pudhari funny clip viral | निक्की तांबोळी बिग बॉसच्या घरातील 'या' सदस्यावर फिदा, छोटा पुढारी घनःश्यामने दिला ग्रीन सीग्नल](https://d3pc1xvrcw35tl.cloudfront.net/images/420x315/nikki-tamboli-love-with-arbaz-patel-in-bigg-boss-marathi-5-chota-pudhari-funny-clip-viral-_2024071276269.jpeg)
निक्की तांबोळी बिग बॉसच्या घरातील 'या' सदस्यावर फिदा, छोटा पुढारी घनःश्यामने दिला ग्रीन सीग्नल
'बिग बॉस मराठी'च्या नव्या सीझनच्या पहिल्या दिवसापासूनच 'बिग बॉस मराठी'च्या घरात प्रेमाचे वारे वाहायला सुरुवात झाली आहे. 'बिग बॉस मराठी'च्या ग्रँड प्रीमियरला निक्की तांबोळी रितेश भाऊसमोरच स्प्लिट्सविलाची जान असलेल्या अरबाज पटेलवर फिदा झालेली दिसून आली. आता दुसऱ्या दिवशी छोटा पुढारी अर्थात घन:श्याम दरवडे निक्की आणि अरबाज यांना ग्रीन सिग्नल देताना दिसून येणार आहे.
निक्कीचा अरबाजसोबत रोमँँटिक अंदाज
'बिग बॉस मराठी'च्या दुसऱ्या दिवसाचा प्रोमो समोर आला असून दुसऱ्याच दिवशी घरातील सदस्य रोमँटिक अंदाजात दिसून येत आहेत. प्रोमोमध्ये निक्की तांबोळी चहा बनवायला घेते. पण हीटर चालत नसल्याने ती छोटा पुढारीला 'बिग बॉस'ला विनंती करण्यास सांगते. त्यावेळी छोटा पुढारी म्हणतो,"बिग बॉस' आमच्या वहिनींचं तरी ऐका...". त्यावर अरबाज त्याला म्हणतो,"थांबरे सकाळी सकाळी असं काय म्हणतो तू..". पुढे छोटा पुढारी म्हणतो,"तुझं प्रेम उतू चाललंय ते सांगतोय.. चहा उतू गेला तर काही बिघडत नाही". छोटा पुढारीच्या या वक्तव्यावर अरबाज आणि निक्कीला हसू अनावर होतं..अरबाज तर डोक्यालाच हात लावतो. त्यानंतरही छोटा पुढारी पुढे म्हणतो,"प्रेमात असचं असतंय 'बिग बॉस'. छोटा पुढारीमुळे 'बिग बॉस मराठी'च्या घरात हास्य कल्लोळ होतो.
अरबाज - निक्कीची जोडी जमणार का?
'बिग बॉस मराठी'च्या ग्रँड प्रीमियरला निक्की तांबोळी अरबाजकडे पाहून लाजताना दिसली होती. अरबाजला पाहून सगळंच विसरली असल्याचं ती म्हणाली होती. रितेश भाऊलाही निक्की आमच्यात 'थोडं थोडं काहीतरी होऊ शकतं' असं म्हणाली होती. तर दुसरीकडे अरबाजही, निक्कीला आता सगळीकडे मीच दिसेन, माझ्याशिवाय तिला दुसरं काही सुचणार नाही, असं म्हणाला होता". त्यामुळे आता 'बिग बॉस मराठी'च्या या सीझनमध्ये निक्की आणि अरबाजची जोडी जमणार का? याकडे सर्वांचं लक्ष आहे.