नितीन देसाई आत्महत्या: घटनास्थळावर आढळलं धनुष्यबाणाचं चिन्ह?; नेमका काय आहे अर्थ

Nitin desai: नितीन देसाई यांनी आत्महत्या करण्यापूर्वी घटनास्थळावर धनुष्यबाणाचं चिन्ह काढलं होतं.

प्रसिद्ध कला दिग्दर्शक नितीन चंद्रकांत देसाई (nitin chandrakant desai) यांच्या आत्महत्येमुळे कलाविश्वात एकच खळबळ माजली आहे. कर्जतच्या एनडी स्टुडिओमध्ये नितीन देसाई यांनी गळफास घेत आत्महत्या केली. या घटनेनंतर पोलिसांनी केलेल्या तपासामध्ये अनेक धक्कादायक माहिती समोर येत आहे. ज्या ठिकाणी नितीन देसाई यांनी आत्महत्या केली,त्याजागेवर एक व्हॉईस रेकॉर्डर सापडला असून आता या ठिकाणी आणखी एक संशयित घटना घडल्याचं समोर आलं आहे. याविषयी  एनडी स्टुडिओमध्ये काम करणाऱ्या एका कर्मचाऱ्याने माहिती दिली.

नितीन देसाई यांनी आत्महत्या करण्यापूर्वी एक व्हॉईस नोट रेकॉर्ड केली होती. या रेकॉर्डिंगमध्ये चार बिझनेसमॅनच्या नावाचा उल्लेख करण्यात आला आहे. त्यानंतर आता नितीन देसाई यांनी आत्महत्या करण्यापूर्वी घटनास्थळावर दोरीच्या सहाय्याने एक धनुष्यबाण काढल्याची माहिती समोर आली आहे. 

नेमकं काय आहे या धनुष्यबाणाचा अर्थ?

नितीन देसाई यांनी आत्महत्या करण्यापूर्वी ज्या ठिकाणी गळफास घेतला त्याच ठिकाणी त्यांनी दोरीच्या सहाय्याने एक धनुष्यबाणाचं चिन्ह तयार केलं होतं. त्यामुळे या चिन्हाचा नेमका अर्थ काय? या चिन्हाच्या माध्यमातून त्यांना काय सांगायचं होतं? अशी चर्चा सुरु झाली आहे.

नरेंद्र मोदींनी दिला होता नितीन देसाईंना शब्द; "500 एकर जमीन देतो, गुजरातला ये अन्..."

काय आहे नितीन देसाईंच्या व्हॉईसनोटमध्ये?

आत्महत्या करण्यापूर्वी नितीन देसाई यांनी एक व्हॉईस नोट रेकॉर्ड केली. यात त्यांनी त्यांच्या मनातील अनेक गोष्टी सांगितल्या आहेत. तसंच यात चार बिझनेसमॅनच्या नावाचाही उल्लेख केला आहे.

ND स्टुडिओमध्ये नितीन देसाईंनी संपवलं जीवन;पाहा 43 एकर जागेतील स्टुडिओचे Inside photo

नितीन देसाईंवर होतं कर्ज

नितीन देसाई यांनी एनडीज् आर्ट वर्ल्ड प्रा. लिमिटेड या कंपनीसाठी १८५ कोटी रुपयांचं कर्ज काढलं होतं. हे कर्ज एडलवाइज फायनान्शियल सर्व्हिसेस लिमिटेडच्या ईसीएल फायनान्स या कंपनीकडून २०१६ आणि २०१८ या दोन वर्षांत घेण्यात आलं होतं.  परंतु, कर्जाच्या परतफेडीमध्ये जानेवारी २०२०पासून अनियमितता आढळून येऊ लागली. त्यामुळे त्यांच्या स्टुडिओवर जप्तीची कारवाई करण्यात येणार होती.

काय घडलं आत्महत्येच्या दिवशी?

नितीन देसाई काही कामानिमित्त दिल्लीला गेले होते. त्यामुळे दिल्ली दौरा संपवून मुंबईत आल्यानंतर त्यांनी थेट कर्जतचा एन. डी स्टुडिओ गाठला. स्टुडिओत गेल्यावर थोडा वेळ तिथे बसल्यानंतर ते दुसऱ्या मजल्यावर गेले आणि गळफास घेतला, अशी माहिती त्यांचे सहकारी दिलीप पिठवा यांनी दिली.