Video : इतका अ‍ॅटिट्यूड? अजय-काजोलच्या लेकीचा व्हिडीओ पाहून नेटकरी भडकले

Nysa Devgn Video : गर्लगँगसोबत पार्टी करून बाहेर पडत असताना न्यासा असं काही वागली की, सोशल मीडिया युजर्सला ते आवडलं नाही. मग काय, अनेकांनी तिला ट्रोल करायला सुरूवात केली.

अजय देवगण (Ajay Devgn) व काजोलची (Kajol ) लेक न्यासा देवगण (Nysa Devgn) लाईमलाइटपासून दूर राहण्याचा प्रयत्न करते. पण सुपरस्टार्सची लेक म्हटल्यावर चर्चा तर होणारच. न्यासा ग्लॅमरस लुकमुळे चर्चेत असते. पण तूर्तास ती तिच्या एका व्हिडीओमुळे चर्चेत आली आहे आणि हा व्हिडीओ पाहून नेटकऱ्यांनी काहीशा संतप्त प्रतिक्रिया दिल्या आहेत. गर्लगँगसोबत पार्टी करून बाहेर पडत असताना न्यासा असं काही वागली की, सोशल मीडिया युजर्सला ते आवडलं नाही. मग काय, अनेकांनी तिला ट्रोल करायला सुरूवात केली.

सेलिब्रिटी फोटोग्राफर विरल भयानीने न्यासाचा हा व्हिडीओ शेअर केला आहे. यात न्यासासोबत खुशी कपूर आणि शनाया कपूरही दिसत आहे. तिघीही रेस्टॉरंटमधून बाहेर पडतात. सर्वप्रथम न्यासा रेस्टॉरंटमधून बाहेर येते. पापाराझी तिला पोझ देण्याची विनंती करतात. पण न्यासा त्यांच्याकडे दुर्लक्ष करत, लगेच कारमध्ये बसते. ती इतकी रागात असते की कारचा दरवाजा बंद करायलाही विसरते. काही क्षणांनी जाणीव होते आणि ती लगेच कारचा दरवाजा बंद करून घेते. तिचा हा अ‍ॅटिट्यूट पाहून अनेक युजर्सनी न्यासाला ट्रोल करण्याचा प्रयत्न केला आहे.

View this post on Instagram

A post shared by Viral Bhayani (@viralbhayani)

‘हिरोईन बनण्याची कोणतीही क्वालिटी नाही या सर्वांमध्ये, पण अ‍ॅटिट्यूड तर पाहा,’असं एका युजरने लिहिलं. ‘तू चित्रपटात येशील तेव्हा आम्हीही तुला असाच अ‍ॅटिट्यूड दाखवू,’अशी कमेंट अन्य एका युजरने केला. ‘कारचा दरवाजा लावायलाही विसरली, जणू तिचा बाबा येणार आहे दरवाजा लावायला’, अशा शब्दांत एका युजरने न्यासाला ट्रोल केलं.

एकीकडे न्यासा ट्रोल झाली तर दुसरीकडे युजर्सनी शनाया कपूरचं मात्र कौतुक केलं. शनाया पापाराझींसोबत बोलली, काही चाहत्यांसोबत तिने फोटोही क्लिक केलेत. शनाया लवकरच बॉलिवूडमध्ये डेब्यू करतेय. करण जोहरच्या ‘बेधडक’ या चित्रपटातून तिचा डेब्यू होतोय.