'रणवीर सिंगला कंपनी देतेय, पण...', एरिका पॅकर्डनं टॉपलेस फोटो शेअर करून अभिनेत्याला दिलं समर्थन

Erica Packard: एरिका पॅकर्डनं तिच्या सोशल मीडिया अकाउंटवरून तिचे टॉपलेस फोटो शेअर केला आहे. यासोबतच तिने कॅप्शनमध्ये बॉलिवूड अभिनेता रणवीर सिंग(Ranveer Singh)चा उल्लेख केला आहे.

छोट्या पडद्यावरील स्टंट रिअॅलिटी शो 'खतरों के खिलाडी १२'(Khatron Ke Khiladi)ची स्पर्धक एरिका पॅकर्ड (Erica Packard) सध्या चर्चेत आहे. तिने असे काही केले आहे, ज्याबद्दल सर्वजण बोलत आहेत. वास्तविक, एरिका पॅकर्डने तिच्या सोशल मीडिया अकाउंटवर तिचा टॉपलेस फोटो शेअर केला आहे. यासोबतच तिने कॅप्शनमध्ये रणवीर सिंग(Ranveer Singh)चा उल्लेख केला आहे. एरिका पॅकर्डचा हा फोटो मोठ्या प्रमाणात व्हायरल होत आहे. तिच्या या फोटोला काहींनी पसंती दर्शवली आहे तर काहींनी तिला ट्रोल केले आहे.

एरिका पॅकार्डने तिच्या इंस्टाग्राम अकाऊंटवर स्वतःचा एक फोटो शेअर केला आहे. यामध्ये ती टॉपलेस दिसत असल्याचे पाहायला मिळत आहे. ती नुसती डेनिम घालून बसली आहे आणि कॅमेराकडे बघत आहे. एरिका पॅकार्डने या फोटोसोबत लिहिले की, 'रणवीर सिंगला कंपनी देत ​​आहे पण तुम्हाला माझा बम दिसत नाही.' यासोबतच तिने ही जीन्स गॅब्रिएला डेमेट्रिएड्सकडून घेतल्याचे आणि परत केले नसल्याचे सांगितले आहे. गॅब्रिएला डेमेट्रिएड्स ही बॉलिवूड अभिनेता अर्जुन रामपालची गर्लफ्रेंड आहे. एरिक पॅकर्डच्या या फोटोवर सर्व चाहत्यांसह सेलिब्रिटी प्रतिक्रिया देत आहेत.

रणवीर सिंगने यापूर्वी न्यूड फोटोशूट केले होते. त्याचे हे फोटोशूट चर्चेत आले होते. त्याच्या या फोटोशूटवर एकीकडे टीका होत होती, तर दुसरीकडे अनेक लोक त्याच्या समर्थनात उतरले होते. या न्यूड फोटोशूटबाबत रणवीर सिंगविरोधात तक्रारही दाखल करण्यात आली होती. रणवीर सिंगविरोधात दाखल केलेल्या तक्रारीत त्याच्यामुळे महिलांच्या भावना दुखावल्याचा आरोप करण्यात आला आहे.