हलीमा भाभी, तुम्ही काय करताय?; ‘ब्रा’ मुळे पाक पुरुषांच्या टार्गेटवर अभिनेत्री

इस्त्रा बिल्गिच ही एका टीव्ही सीरीजमध्ये दिसून आली होती. हिंदीत आलेल्या एर्तुगरुल गाजी या सीरीजमध्ये इस्त्रानं हलीमा हातूनची भूमिका निभावली होती.

तूर्कीची अभिनेत्री इस्त्रा बिल्गिच सध्या पाकिस्तानी पुरुषांच्या निशाण्यावर आहे. अलीकडेच इस्त्रानं एका ब्रा ची जाहिरात केली होती. त्यानंतर पाकिस्तानच्या पुरुषांनी तिच्या पेहरावावर आक्षेपार्ह कमेंट्स केल्या. एका युजरनं तर हलीमा भाभी, तुम्ही काय करताय? अशी कमेंट केली आहे. तर एर्तुगरुलच्या एका युजरनं जर तुला अशा ब्राच्या लूक मध्ये पाहिले तर थप्पड मारू असंही म्हटलं आहे.

इस्त्रा बिल्गिच ही एका टीव्ही सीरीजमध्ये दिसून आली होती. हिंदीत आलेल्या एर्तुगरुल गाजी या सीरीजमध्ये इस्त्रानं हलीमा हातूनची भूमिका निभावली होती. ज्यात ती तुर्कीच्या एका पारंपारिक वेषात नजरेस पडली होती. परंतु पाकिस्तानी पुरुष इस्त्रानं साकारलेल्या त्या भूमिकेतून बाहेर पडू शकत नाहीत. त्यामुळे इस्त्रा बिल्गिचचा बोल्ड अंदाज पाहून अनेक पाकिस्तानी चाहते भडकले आहेत. इस्त्रा बिल्गिचनं एका ब्रा ची जाहिरात केली होती. त्याचा व्हिडीओ तिने तिच्या इन्स्टाग्राम पेजवर शेअर केला होता.

या जाहिरातीत इस्त्रा ब्लेजर आणि ब्रा घातलेली दिसते. अनेकांच्या तिच्या या बोल्ड लूकचं कौतुक केले आहे. परंतु पाकिस्तानी चाहत्यांनी इस्त्रावर टीकेचा भडीमार सुरू केला आहे. हलीमा हातूनची भूमिका इतकी लोकांच्या पसंतीस पडली होती. ज्यातून तिला दुसऱ्या अवतारात पाहणं पाकिस्तानी चाहत्यांसाठी अवघड झालंय. एका युजरने तिच्या इन्स्टा कमेंटवर लिहिलंय की, जर तुला पैशांची गरज असेल तर पाकिस्तानी लोकांकडे माग परतुं पुन्हा असं करू नको. तू इस्लामिक संस्कृतीला बर्बाद करत आहेस. तर दुसऱ्या युजरने तू आमची हलीमा सुल्तान होऊच शकत नाही असं म्हटलं आहे.

पाकिस्तानी पुरुषांच्या अशा कमेंट्सला सोशल मीडियावर अनेकांनी उत्तर दिलंय. अनेक युजर्सना ट्रोलिंगचा सामना करावा लागत आहे. सोशल मीडियावर एका युजरने टीकाकारांना म्हटलंय की, पाकिस्तानी लोकांना कालच माहिती पडले इस्त्रा बिल्गिच तिच्या कपड्यांमध्ये ब्रा घालते. त्यात हरकत काय? तर दुसऱ्या युजरने लिहिलंय की, मी फक्त पाकिस्तानी पुरुषांविरोधात नाराजी व्यक्त करण्यासाठी इस्त्रा बिल्गिचची इन्स्टाग्राम पोस्ट लाईक्स करत आहे.