Palak Muchhal Mithun Wedding: बॉलिवूड सिंगर पलक मुच्छल व म्युझिक कंपोझर मिथुन अडकले लग्नबंधनात, पाहा फोटो

Palak Muchhal Mithun Wedding:  बॉलिवूड सिंगर पलक मुच्छल आणि म्युझिक कंपोझर मिथुन काल 6 नोव्हेंबरला लग्नबंधनात अडकले. पलकने लग्नाचे काही फोटो आपल्या इन्स्टाग्राम अकाऊंटवर शेअर केले आहेत.

Palak Muchhal Mithun Wedding:    बॉलिवूड सिंगर पलक मुच्छल (Palak Muchhal) आणि म्युझिक कंपोझर मिथुन (Mithun ) काल 6 नोव्हेंबरला लग्नबंधनात अडकले. काहीच दिवसांपूर्वी या कपलची लव्हस्टोरी चर्चेत आली होती आणि यादरम्यान त्यांनी लग्नाचा निर्णय घेतला. काल एका शाही लग्न सोहळ्यात त्यांनी लग्नगाठ बांधली. या लग्नसोहळ्याचे फोटो समोर आले आहेत. पलकने लग्नाचे काही फोटो आपल्या इन्स्टाग्राम अकाऊंटवर शेअर केले आहेत.

‘आज हम दो सदैव के लिए एक हुए...,’ असं हे फोटो शेअर करताना पलकने लिहिलं आहे. या फोटोत पलक लाल रंगाच्या लहंग्यात आहे तर मिथुनने बेज रंगाची शेरवानी घातली आहे.

पलक मुच्छलचा भाऊ पलाशने लग्नाचे काही इनसाईड फोटोही शेअर केले आहेत. पलक व मिथुनच्या लग्नाचे फोटो व व्हिडीओ सोशल मीडियावर तुफान व्हायरल होत आहेत.

पलक ही बॉलिवूडची लोकप्रिय सिंगर आहे. एक था टायगर, आशिकी 2, किक, अ‍ॅक्शन जॅक्सन, प्रेम रतन धन पायो, एम एस धोनी-द अनटोल्ड स्टोरी, काबील, पल पल दिल के पास अशा अनेक चित्रपटांसाठी तिने गाणी गायली आहे. एम एस धोनी-द अनटोल्ड स्टोरी या चित्रपटातील ‘कौन तुझे’ हे पलकने गायलेलं गाणं तुफान लोकप्रिय झालं होतं. या गाण्यातील तिच्या आवाजाने सर्वांना वेड लावलं होतं.

View this post on Instagram

A post shared by Palaash Muchhal (@palash_muchhal)

इंदूरमध्ये एका राजवाड्यात पलकने तिचा पहिला शो केला होता. तेव्हा बेबी पलक या नावाने लोक तिला ओळखत होते. मम्मीचे बोट पकडून ती स्टेजवर आली होती. तेव्हा ती आपल्या आवाजाने त्या मुलांसाठी पैसे जमा करायची जे हार्ट पेशंट्स आहेत. हे काम तिने आजही नित्यनेमाने सुरु ठेवलं आहे. मिथुन हा बॉलिवूडचा सुप्रसिद्ध म्युझिक कंपोझर आहे.