झाली का बोलती बंद...? परेश रावल यांचा पाकी अभिनेता अली जफरला सणसणीत टोला!

 ‘आता बोलती बंद झाली का?’ असे ट्विट करत त्यांनी अली जफरला लक्ष्य केले.

ठळक मुद्देभारतीय हवाई दलाने केलेल्या कारवाईनंतर पाकिस्तान चवताळला आहे. याच भावनेतून पाकिस्तानने भारताच्या चित्रपटांवर बंदी घातली आहे.

भारतीय हवाई दलाने पाकिस्तानवर केलेल्या सर्जिकल स्ट्राईकनंतर देशभर जल्लोषाचे वातावरण आहे. पुलवामा येथील पाकिस्तानने घडवून आणलेल्या भ्याड दहशतवादी हल्ल्याच्या  १२व्या दिवशी भारतीय हवाई दलाने  पाकिस्तानच्या हद्दीत घुसून दहशतवादी संघटना जैश-ए-मोहम्मदच्या तळावर हवाई हल्ले करत, ३०० हून अधिक दहशतवाद्यांचा खात्मा केला.भारतीय हवाई दलाच्या या दमदार कारवाईचे देशवासियांनी जल्लोषात स्वागत केले. या स्वागत करणाºयांमध्ये भाजपाचे खासदार आणि अभिनेते परेश रावल यांचेही नाव होते. ही ख-या अर्थाने चांगली सकाळ होती, अशा शब्दात परेश रावल यांनी आनंद व्यक्त केला. यानंतर परेश रावल यांनी थेट पाकिस्तानी कलाकारांच्या मर्मावर घाव घातला. पाकिस्तानी अभिनेता अली जफरला त्यांनी जोरदार टोला लगावला.  ‘आता बोलती बंद झाली का?’ असे ट्विट करत त्यांनी अली जफरला लक्ष्य केले.

Now speechless!!! https://t.co/cY8RrkfAgh

— Paresh Rawal (@SirPareshRawal) February 26, 2019

याच अली जफरने पुलवामा हल्ल्यानंतर पाकिस्तानचे पंतप्रधान इम्रान खान यांच्या भाषणाची स्तूती करणारे ट्विट केले होते. आता भारतीय हवाई दलाने पाकिस्तानवर केलेल्या हल्ल्यानंतर परेश रावल यांनी अली जफरला त्याच्याच शब्दांत उत्तर दिले. अलीचे ट्विट रिट्विट करत परेश रावल यांनी ‘आता नि:शब्द’ असे ट्विट केले.
भारतीय हवाई दलाने केलेल्या कारवाईनंतर पाकिस्तान चवताळला आहे. याच भावनेतून पाकिस्तानने भारताच्या चित्रपटांवर बंदी घातली आहे.. भारताचा कुठलाही चित्रपट आता पाकिस्तानमध्ये प्रदर्शित होणार नाही, अशी घोषणा पाकिस्तानचे माहिती व प्रसारण मंत्री चौधरी फवाद हुसैन यांनी केली आहे.