युट्यूबर झाली अभिनेत्री परिणीती चोप्रा, सुरू केलं स्वत:चं चॅनेल, म्हणते- "माझ्या पर्सनल आयुष्याबाबत..."

परिणीती चोप्रा युट्यूबर बनली आहे. तिने नुकतंच स्वत:चं नवं युट्यूब चॅनेल सुरू केलं आहे. सोशल मीडियावरुन परिणीतीने तिच्या चाहत्यांना याबाबत अपडेट दिले आहेत.

परिणीती चोप्रा ही बॉलिवूडमधील लोकप्रिय अभिनेत्री आहे. लेडीज वर्सेस रिकी बहल या २०११ साली आलेल्या सिनेमातून तिने बॉलिवूडमध्ये पदार्पण केलं होतं. 'इशकजादे' या सिनेमामुळे परिणीती प्रसिद्धीझोतात आली होती. 'हसी तो फसी', 'शुद्ध देसी रोमान्स', 'ऊंचाई', 'केसरी', 'मिशन रानीगंज', 'अमर सिंग चमकीला' अशा सुपरहिट सिनेमांमध्ये तिने काम केलं आहे. आता परिणीतीने तिची नवी इनिंग सुरू केली आहे. 

परिणीती चोप्रा युट्यूबर बनली आहे. तिने नुकतंच स्वत:चं नवं युट्यूब चॅनेल सुरू केलं आहे. सोशल मीडियावरुन परिणीतीने तिच्या चाहत्यांना याबाबत अपडेट दिले आहेत. परिणीतीने तिच्या युट्यूब चॅनेलवरुन १ मिनिट ४ सेकंदांचा पहिला व्हिडिओ शेअर केला आहे. या व्हिओत ती म्हणते, "मी सेलिब्रिटी असले तरी पहिल्यापासूनच माझं आयुष्य प्रायव्हेट ठेवलेलं आहे. माझ्या पर्सनल लाइफबाबत मी केवळ १ टक्केच माहिती सोशल मीडियावर शेअर करते".

पुढे परिणीती म्हणते, "मी माझ्या आयुष्यात खूप काही करत आहे. मी स्कूबा डायव्हिंग करते, मी वाचते आणि मी नेहमी गातही असते. माझ्या आयुष्यात सध्या इतक्या काही गोष्टी घडत आहेत. मला वाटतं की हे माझ्या चाहत्यांबरोबर शेअर करावं. आणि आता यासाठी मी तयार आहे. म्हणूनच मी युट्यूब चॅनेल सुरू करण्याचा निर्णय घेतला आहे. मी यासाठी खूप उत्सुक आहे. कारण आता मी दिवसभरात मी जे काही करेन ते सगळं माझ्या चाहत्यांना पाहता येणार आहे. लवकरच भेटुया". 

परिणीतीच्या या युट्यूब चॅनेलचं नाव Parineeti Chopraअसं आहे. तिच्या या युट्यूब चॅनेलला ४.२१ हजार सबस्क्राइबर्स आहेत. परिणीतीच्या पहिल्या व्हिडिओला काही तासांतच हजारोंमध्ये व्ह्यूज मिळाले आहेत.