'जे लोक मला सनातन धर्माचे ज्ञान देताहेत...', बोल्ड ड्रेसमुळे ट्रोल करणाऱ्यांना कंगना राणौतचे सडेतोड उत्तर

कंगना राणौतने ब्रालेट परिधान केल्यामुळे नेटकऱ्यांनी चांगलेच ट्रोल केले होते.

बॉलिवूडची क्वीन कंगना राणौत सोशल मीडियावर शेअर केलेल्या बोल्ड फोटोंमुळे खूप चर्चेत आली आहे. या फोटोवरून तिला सोशल मीडियावर चांगलेच ट्रोल करण्यात आले आहे. कंगनाचा आगामी चित्रपट धाकडचे शूटिंग पूर्ण झाल्याच्या निमित्ताने एका पार्टीचे आयोजन करण्यात आले होते. या पार्टीत तिने व्हाइट रंगाच्या पॅन्टवर पांढऱ्या रंगाचेच ब्रालेट घातले होते. या पार्टीचे फोटो सोशल मीडियावर व्हायरल झाल्यानंतर अनेकांनी कंगना राणौतला तिच्या कपड्यांवरून ट्रोल केले.

संस्कृती आणि सनातनच्या गोष्टी करत नेटकऱ्यांनी कंगनावर निशाणा साधला आहे. दरम्यान आता ट्रोल करणाऱ्यांना कंगनाने चांगलेच प्रत्युत्तर दिले आहे. कंगनाने तिच्या इन्स्टाग्राम स्टोरीवर एक फोटो शेअर करत ट्रोलर्सना सुनावले आहे.

प्राचीन भारतीय पेहरावातील एका तरुणीचा फोटो कंगनाने तिच्या इन्स्टाग्राम स्टोरीवर शेअर केला आहे. हा फोटो शेअर करत तिने म्हटले की, जे लोक मला सनातन धर्माबद्दल ज्ञान देत आहेत त्यांनी कृपया लक्षात घ्या तुम्ही अब्राहमिक सारखे वागत आहात.

इतर सेलिब्रिटींना त्यांच्या कपड्यांवरून सल्ला देणारी कंगना स्वत: ब्रालेटमध्ये फोटो शेअर करते, असे म्हणत तिला ट्रोल करण्यात आले. एक युजर्स म्हणाला, ‘तू एवढा घाणेरडा ड्रेस परिधान करशील अशी अपेक्षा नव्हती कंगना.’  तर दुसऱ्याने म्हटले की, ‘तू स्वतः इतरांच्या पोस्टवर कमेंट करते, असा फोटो शेअर करताना तू विचार केला नाहीस का?’ आणखी एक युजर्सने लिहिले की, ‘तू स्वत: ला सभ्य सनातन महिला म्हणते, तर हे सगळे काय आहे. दोन चेहरे कोणासाठी?’ अशा कमेंट करत सोशल मीडियावर कंगनाला ट्रोल करण्यात आले.

कंगना राणौतच्या वर्कफ्रंटबद्दल सांगायचे तर लवकरच ती थलायवी या चित्रपटात दिसणार आहे. याव्यतिरिक्त ती लवकरच ‘तेजस’ आणि ‘धाकड’ या चित्रपटात दिसणार आहे.