IN PICS : एका मुलीच्या नकारामुळे आमिर खानने केलं होतं टक्कल, मजेदार आहे 38 वर्षाआधीचा किस्सा...

Aamir Khan : आमिरने पूर्ण टक्कल केल्यानं सगळेच त्यावेळी हैराण झाले होते. हे टक्कल प्रेमात वेड्या झालेल्या एका तरूणाची ‘रिअ‍ॅक्शन’ होती....

बॉलिवूडचा ‘मिस्टर परफेक्शनिस्ट’ आमिर खान सध्या त्याच्या ‘लाल सिंह चड्ढा’ या आगामी चित्रपटामुळे चर्चेत आहे. आमिरचा हा सिनेमा रिलीजसाठी सज्ज आहे.

गेल्या काही दिवसांपासून आमिरच्या पर्सनल लाईफची चर्चाही जोरात आहे. काही महिन्यांपूर्वीच दुसरी पत्नी किरण राव हिला घटस्फोट देणार असल्याचं आमिरने जाहिर केलं होतं.

आमिरनं दोन लग्न केलीत. ही दोन्ही लग्न अयशस्वी ठरलीत. त्याआधीही आमिरच्या आयुष्यात एक मुलगी होती. होय, आमिर तिच्यासाठी अगदी वेडा होता. एका मुलाखतीत त्याने स्वत: हा किस्सा सांगितला होता.

1984 साली ‘होली’ या चित्रपटाच्या रिलीजआधी आमिरच्या हेअरस्टाईलची जबरदस्त चर्चा झाली होती. आमिरने पूर्ण टक्कल केल्यानं सगळेच त्यावेळी हैराण झाले होते. हे टक्कल एका प्रेमात वेड्या झालेल्या तरूणाची ‘रिअ‍ॅक्शन’ होती.

होय, सिमी गरेवालला दिलेल्या मुलाखतीत आमिरने याचा खुलासा केला होता. ‘मी चित्रपटासाठी टक्कल केल्याचं लोकांनी मानलं होतं. पण मी वेगळ्या कारणानं टक्कल केलं होतं,’असं आमिर म्हणाला होता.

हे कारण काय होतं, तर एका मुलीने आमिरला नकार दिला होता. आमिरचं एका मुलीवर प्रेम होतं. ती त्याला सोडून गेली होती. ते दु:ख अनावर झाल्यानं आमिरनं टक्कल केलं होतं.

माझी ती प्रतिक्रिया फारच बालिश होती. जेव्हा मी ‘होली’च्या दिग्दर्शकांना भेटायला गेलो तेव्हा त्यांनी मला माझ्या डोक्यावरचे केस कुठे गेले असा प्रश्न विचारला होता, असा खुलासाही आमिरने मुलाखतीत केला होता.

आमिरच्या वर्कफ्रंटबद्दल सांगायचं तर त्याचा ‘लाल सिंह चड्ढा’ हा सिनेमा 11 ऑगस्ट 2022 रोजी रिलीज होतोय. या चित्रपटात त्याच्यासोबत करिना कपूर मुख्य भूमिकेत आहे.