अक्षय कुमारच्या मानधनात झाली घसघशीत वाढ, प्रत्येक सिनेमासाठी घेणार १३५ कोटी!

बॉलिवूडचा खिलाडी म्हणजेच अभिनेता अक्षय कुमारने आपल्या मानधनात घसघशीत वाढ केली आहे. आता २०२१ मध्ये चित्रित कराव्या लागणाऱ्या त्याच्या सिनेमांसाठी निर्मात्यांना १३५ कोटी मोजावे लागणार आहेत.

लॉकडाऊनमध्ये सर्वाधिक मानधन स्वीकारणाऱ्या गेल्या वर्षाच्या यादीत अक्षय कुमार होता.

यापूर्वी अक्षय ११५ कोटी रुपये मानधन आकारत असे आता ते मानधन वाढत जाऊन १३५ झालं आहे.

अक्षयचे चित्रपट आणि त्याला मिळणारे यश लक्षात घेऊन अक्षयने आपल्या मानधनात भरभक्कम वाढ केल्याची चर्चा आहे.

प्रत्येक निर्मात्याला असे वाटते की, अक्षय कुमारला चित्रपटात घेतल्याने रिस्क कमी होतो. कमी बजेटमध्ये एक चांगला चित्रपट बनविला जातो, ज्यामध्ये चांगले रिटर्न्स मिळण्याची शक्यता खूप जास्त असते.

अक्षय कुमार 'लक्ष्मी' सिनेमा दिवाळीत रिलीज झाला.

पुढचा सिनेमा 'सूर्यवंशी' रिलीजसाठी तयार आहे. अक्षयने 'बेल बॉटम'चे शूटिंग पूर्ण केले आहे.

सध्या अक्षयकडे 'अतरंगी रे', 'पृथ्वीराज', 'राम सेतु', 'मिशन सिंह', 'रक्षाबंधन' असे अनेक सिनेमे येत्या 2 वर्षात रिलीज होणार आहेत.