चर्चा काय तर अभिनेत्री अभिज्ञा भावेच्या हटके मंगळसूत्राची, पाहा फोटो

अभिज्ञा भावेच्या लग्नाचे फोटो तुम्ही पाहिलेच. पण आता तुम्ही अभिज्ञाने मंगळसूत्र बघायला हवे.

‘तुला पाहते रे’ फेम अभिनेत्री अभिज्ञा भावे गेल्या 6 जानेवारीला लग्नबंधनात अडकली. मुंबईच्या मेहुल पै याच्यासोबत अभिज्ञाने लग्नगाठ बांधली.

या लग्नाचे फोटो तर तुम्ही पाहिलेच. पण आता तुम्ही अभिज्ञाने मंगळसूत्र बघायला हवे. कारण सध्या तिच्या या खास मंगळसूत्राचीच चर्चा आहे.

होय, अभिज्ञाने नुकतेच काही फोटो शेअर केलेत आणि यानंतर तिच्या गळ्यातील मंगळसूत्राने सर्वाचे लक्ष वेधून घेतले.

सोशल मीडियावर अभिज्ञाच्या गळ्यातील या मंगळसूत्राचे अनेक फोटो सध्या सोशल मीडियावर व्हायरल होत आहेत.

एम आणि ए ही इंग्रजी अक्षरांसह काळ्या मण्यांसोबतचे सोनसाखळीत गुंफलेले हे मंगळसूत्र आहे.

आता एम म्हणजे, नव-याच्या नावाचे आद्याक्षर आणि ए म्हणजे काय तर अभिज्ञा.

आॅक्टोबरमध्ये अभिज्ञा व मेहूलचा साखरपुडा झाला होता. अभिज्ञाने ‘माझा साखरकारखाना’असे कॅप्शन देत साखरपुड्याचे फोटो शेअर केले होते. यानंत 6 जानेवारी 2021 रोजी अभिज्ञा व मेहुलचा शाही विवाह सोहळा पार पडला होता.

अभिज्ञाचा पती मेहुल पै मुळचा मुंबईचा असून गेल्या १२ वर्षांपासून ‘क्लॉकवर्क्स इव्हेंटस प्रायव्हेट लिमिटेड’मध्ये तो आॅपरेशन्स मॅनेजर म्हणून कार्यरत आहे.यातून इव्हेंट मॅनेजमेंट, टाइम मॅनेजमेंट, फायनान्शियल प्लॅनिंगची जबाबदारी तो सांभाळतो आहे.

अभिज्ञाबद्दल सांगायचे तर तिला सर्वच ओळखतात. मराठी आणि हिंदी टेलिव्हिजन क्षेत्रात अभिज्ञा भावेचा मोठा चाहतावर्ग आहे.

सध्या ती ‘रंग माझा वेगळा’ या स्टार प्रवाहवरील मालिकेत दिसून येत आहे. त्या आधी तिने खुलता कळी खुलेना, लगोरी, प्यार की एक कहानी अशा अनेक मालिकांमध्ये काम केले आहे. अभिज्ञा अभिनय क्षेत्रात येण्याआधी एअर हॉस्टेस होती.