राजघराण्यातून आली 'ही' अभिनेत्री, २१ व्या वर्षीच केलं लग्न; घटस्फोटानंतर दुसऱ्यांदा बोहल्यावर चढली

अभिनेत्री आज ३८ वा वाढदिवस साजरा करत आहे.

फिल्म इंडस्ट्रीत असे अनेक स्टार्स आहेत ज्यांचं प्रत्येकाचं बॅकग्राऊंड आपल्याला माहित नसतं. अशीच एक अभिनेत्री आहे जिने गाजलेल्या हिंदी, साऊथ सिनेमा, वेब सीरिजमध्ये काम केलं आहे.

आपल्या सौंदर्यासोबतच अभिनयाचा जलवा दाखवणारी ही अभिनेत्री राजघराण्यातून आली आहे. नुकतंच तिचं दुसरं लग्नही झालं. या अभिनेत्रीला ओळखलंत का?

हिंदी ते साऊथ सिनेमा, तसंच ओटीटी गाजवणारी ही अभिनेत्री आहे अदिती राव हैदरी (Aditi Rao Hydari). आज अदिती ३८ वा वाढदिवस साजरा करत आहे. काही दिवसांपूर्वी ती दुसऱ्यांदा लग्नबंधनात अडकली.

अदितीचा जन्म २८ ऑक्टोबर १९८६ रोजी हैदराबादमध्ये झाला. तिचे पणजोबा अकबर हैदरी १८६९ ते १९४१ पर्यंत हैदराबादचे पंतप्रधान होते. तिचे काका मोहम्मद सालेह अकबर हैदरी आसामचे माजी राज्यपाल होते. तिची आई विद्या राव या प्रसिद्ध गायिका आहेत.

अदितीने २००६ सालीच साऊथ इंडस्ट्रीत एन्ट्री केली होती. यानंतर तिने काही साऊथ सिनेमे केले आणि मग ती बॉलिवूडमध्ये आली.

अदिती बॉलिवूडमध्ये पदार्पणाआधीच लग्नबंधनात अडकली होती. २००९ साली वयाच्या केवळ २१ व्या वर्षी तिने अभिनेता सत्यदीप मिश्रासोबत लग्न केलं. मात्र २०१३ साली त्यांचा घटस्फोट झाला.

आता २०२४ मध्ये तिने सिद्धार्थसोबत दुसऱ्यांदा लग्नगाठ बांधली. सिद्धार्थचंही हे दुसरं लग्न आहे. 'महा समुद्रम' च्या सेटवर त्यांची ओळख झाली होती. काही वर्ष डेट केल्यानंतर त्यांनी लग्न करण्याचा निर्णय घेतला.