Aishwarya Rai Birthday: इन्स्टावर १४.४ मिलियन फॉलोवर्स, पण 'त्या' एका व्यक्तीलाच फॉलो करते मिस वर्ल्ड, कोण आहे ती?

ऐश्वर्याची इन्स्टाग्राम फॉलो लिस्ट मात्र एक आकड्याची आहे. ऐश्वर्या इन्स्टाग्रामवर फक्त एकाच व्यक्तीला फॉलो करते.

बॉलिवूड अभिनेत्री ऐश्वर्या राय बच्चनचा आज वाढदिवस आहे. मिस वर्ल्ड ५१ वर्षांची झाली आहे.

मिस वर्ल्डचा खिताब नावावर करणारी ऐश्वर्या वयाच्या पन्नाशीतही चाहत्यांना घायाळ करते. तिचं फॅनफॉलोविंगदेखील प्रचंड आहे.

'और प्यार हो गया' या सिनेमातून तिने बॉलिवूडमध्ये पदार्पण केलं होतं. त्यानंतर अनेक सुपरहिट सिनेमांतून सौंदर्याप्रमाणेच ऐश्वर्याने तिच्या अभिनयाचीही छाप सोडली.

हिंदीबरोबरच ऐश्वर्याने तमिळ, तेलुगु, बंगाली या भाषांमध्येही काम केलं आहे.

ऐश्वर्या सोशल मीडियावरही सक्रिय असल्याचं पाहायला मिळतं. इन्स्टाग्रामवर तिचे तब्बल १४.४ मिलियन फॉलोवर्स आहेत.

पण, ऐश्वर्याची इन्स्टाग्राम फॉलोविंग लिस्ट मात्र एक आकड्याची आहे. ऐश्वर्या इन्स्टाग्रामवर फक्त एकाच व्यक्तीला फॉलो करते.

ऐश्वर्या इन्स्टाग्रामवर फॉलो करत असलेली ती व्यक्ती ही बच्चन कुटुंबातील आहे. पण, ती व्यक्ती अमिताभ बच्चन किंवा जया बच्चन नाही.

तर ऐश्वर्या इन्स्टाग्रामवर पती अभिषेक बच्चनला फॉलो करते.

ऐश्वर्या आणि अभिषेकने २००७ साली लग्नाच्या बेडीत अडकत नव्या आयुष्याला सुरुवात केली. त्यांना आराध्या ही मुलगी आहे.