४० वर्षांचा ठेवा! जरतारीच्या शालूमध्ये पाठकबाईंचा मराठमोळा साज; फोटो होतायेत व्हायरल

Akshaya deodhar: काही दिवसांपूर्वीच अक्षयाने तिच्या मैत्रिणीच्या लग्नाला हजेरी लावली. यावेळी तिने मरुन रंगाचा जरीकाठ असलेला शालू नेसला होता.

मराठी कलाविश्वातील लोकप्रिय अभिनेत्री म्हणजे अक्षया देवधर. 'तुझ्यात जीव रंगला' या मालिकेतून कलाविश्वात पदार्पण करणाऱ्या अक्षयाने तिचं हक्काचं स्थान निर्माण केलं आहे.

पाठकबाई ही भूमिका साकारुन प्रसिद्ध झालेली अक्षया सोशल मीडियावर सातत्याने चर्चेत येत असते.

गेल्या काही दिवसांपासून अक्षया विविध कारणांसाठी चर्चेत येत आहे. यावेळी ती तिच्या मराठमोळ्या साजशृंगारामुळे चर्चेत येत असल्याचं पाहायला मिळत आहे.

काही दिवसांपूर्वीच अक्षयाने तिच्या मैत्रिणीच्या लग्नाला हजेरी लावली. यावेळी तिने मरुन रंगाचा जरीकाठ असलेला शालू नेसला होता.

या लग्नसोहळ्यामध्ये अक्षयाने ४० वर्ष जुनी साडी परिधान केली होती. मात्र, त्याची चमक आणि त्यावर केलेलं नक्षी काम पाहून ती साडी अगदी नवीकोरी असल्यासारखी भासत होती.

या साडीसब अक्षयाने मराठमोळा लूक केला होता. नाकात नथ, मोत्यांचा हार, खोपा असा साजशृंगार तिने केला होता. त्यामुळे सध्या सोशल मीडियावर तिचे फोटो व्हायरल होत आहे.

सोशल मीडियावर सक्रीय असलेल्या अक्षयाने तिच्या साखरपुड्यातील काही निवड फोटो शेअर करत चाहत्यांचं लक्ष वेधून घेतलं.