IN PICS : महेशबाबूचं रेस्टॉरंट तर अल्लूचं थिएटर, साईड बिझनेसमधून बक्कळ कमावतात साऊथचे हे स्टार्स

South Stars : बॉलिवूडप्रमाणेच साऊथचे स्टार्सचेही मोठे साईड बिझनेस आहेत. होय, या साईड बिझनेसमधून हे स्टार्स बक्कळ कमाई करतात....

‘पुष्पा’चा सुपरस्टार अल्लू अर्जुन सिनेमा, जाहिरातीतून कोट्यवधीची कमाई करतो. पण तो एक मोठा बिझनेसमॅनही आहे.अल्लू अर्जुनने हैदराबादमधील बफेलो विंग्स फ्रँचायझीचे हक्क विकत घेतले आहेत. त्याची पत्नी स्नेहा रेड्डी हिचा पिक ए बू नावाचा फोटो स्टुडिओ आहे. अल्लू अर्जुनने नुकतंच सिनेमा थिएटरच्या व्यवसायातही पाऊल टाकलं आहे आणि आशियाई सिनेमाच्या सहकार्याने त्याने AAA सिनेमा शृखंला त्याने सुरू केली आहे.

महेश बाबू साऊथचा मोठा स्टार आहे. महेश बाबूने सुद्धा ‘एशियाई महेश बाबू थिएटर्स’सह बिझनेसमध्ये एन्ट्री केली आहे. महेश आणि त्याची पत्नी नम्रता एका रेस्टॉरंटचे मालक आहेत.

अभिनेता राम चरण तेजा याच्या मालकीची TrueJet नावाची एअरलाइन आहे. त्यांनी या विमान कंपनीचे नाव ट्रुजेट ठेवले आहे. अभिनेत्याचं कोनिडेला प्रॉडक्शन कंपनी नावाचं स्वत:चं प्रोडक्शन हाऊस देखील आहे. याशिवाय त्याची पत्नी अपोलो हॉस्पिटलची भागीदार आहे. त्याचं स्वत:चं हैदराबाद पोलो आणि रायडिंग क्लबही आहे.

तामिळ सुपरस्टार थलपथी विजयचे तामिळनाडूमध्ये त्यांच्याकडे अनेक वेडिंग हॉल आणि कन्व्हेन्शन सेंटर आहेत. या सभागृहांना त्यांच्या कुटुंबीयांची नावं देण्यात आल्याचं सांगण्यात येतं. त्याच्या मालकीची श्रीलंकेतही काही थिएटर्स आहेत.

‘बाहुबली’ फेम राणा दुग्गुबती हा KWAN या टॅलेंट मॅनेजमेंट एजन्सीचा सह-संस्थापक आहे. त्याच्याकडे प्रॉडक्शन हाऊस, संगीत लेबल, अमर चित्र कथा नावाची कॉमिक बुक कंपनी आहे.

साऊथचा सुपरस्टार नागार्जुन अक्किनेनी याच्याकडे अन्नपूर्णा स्टुडिओ या प्रॉडक्शन हाऊसचा मोठा हिस्सा आहे. ही केवळ एक प्रॉडक्शन कंपनी नाही तर हैदराबादच्या सर्वात महागड्या एरियात 7 एकरांवर पसरलेला एक आलिशान स्टुडिओ आहे.

साऊथ स्टार आर्या हा अभिनेता सी शेल नावाच्या दक्षिण भारतीय रेस्टॉरंटचा मालक आहे. त्याचं ‘द शो पीपल’नावाचं प्रोडक्शन हाऊस देखील आहे. आपल्या या होम बॅनरअंतर्गत त्याने चित्रपटांची निर्मिती केली आहे.

साऊथची लोकप्रिय अभिनेत्री काजल अग्रवालचा Marsala ज्वेलरी ब्रँड आहे. या बिझनेसमध्ये तिची बहीण निशा तिची पार्टनर आहे.

साऊथ अभिनेत्री आणि कमल हासन यांची लेक श्रुती हासन ही Isidro नावाच्या प्रॉडक्शन हाऊसची मालकीण आहे.