Sholey Starcast Fees: 'शोले'साठी बिग बींना दिले होते 'ठाकूर'पेक्षा कमी पैसे, जया बच्चन यांना मिळाले होते किरकोळ मानधन

Sholey Starcast Fees : ७० च्या दशकात जेव्हा अनेक चित्रपट बनून बॉक्स ऑफिसवर धुमाकूळ घालत होते, तेव्हा शोले हा चित्रपट प्रदर्शित झाला. ३ कोटी रुपये बजेट असलेल्या चित्रपटाच्या कलाकारांना त्यावेळी किती मानधन मिळत होते हे तुम्हाला माहीत आहे का?

१९७५ साली बॉलिवूडच्या इतिहासात एक अनोखी कहाणी लिहिली गेली. दिग्दर्शक रमेश सिप्पी, निर्माते जीपी सिप्पी आणि सलीम-जावेद यांच्या दमदार लेखनामुळे धर्मेंद्र आणि अमिताभ बच्चन, संजीव कुमार नायकांच्या आणि अमजद खान ही जोडी खलनायकांच्या भूमिकेत झळकली होती. बऱ्याच वर्षांपूर्वी बनवलेल्या या चित्रपटातील गाणी आणि संवाद आणि चित्रपटातील कथा आजही लोकांच्या चेहऱ्यावर हसू आणतात. आम्ही बोलत आहोत रमेश सिप्पी यांच्या दिग्दर्शनाखाली बनलेल्या 'शोले' या ऐतिहासिक चित्रपटाबद्दल.

जय-वीरूच्या मैत्रीपासून ते इन्स्पेक्टर ठाकूर बलदेव सिंगच्या दु:खद कौटुंबिक आपत्तीपर्यंत... बॉलिवूडच्या इतिहासात आणखी किती रिवेंज घेणारे कथानक पाहिले गेले आहेत, पण 'शोले' सारखे आजपर्यंत एकही नाही. गेल्या शतकात बॉलिवूड चित्रपट निर्मात्यांनी असे काही चित्रपट बनवले आहेत जे लोकांच्या हृदयावर आणि मनावर राज्य करतात. जेव्हा जेव्हा कल्ट क्लासिक चित्रपटांची चर्चा होते, तेव्हा तो मल्टीस्टारर चित्रपट या यादीत अव्वल असतो, ज्याची पात्र, संवाद आणि गाणी ५ दशकांनंतरही लोकांना आठवतात. तो चित्रपट दुसरा कोणी नसून 'शोले' चित्रपट आहे. ‘गब्बर’,‘ठाकूर’,‘जय-वीरू’आणि ‘बसंती’ हे व्यक्तिरेखा हृदयावर राज्य करत आहेज. आज आम्ही तुम्हाला 'शोले' चित्रपटासाठी कलाकारांनी घेतलेल्या मानधनाबद्दल सांगणार आहोत.

७० च्या दशकात जेव्हा अनेक चित्रपट बनून बॉक्स ऑफिसवर धुमाकूळ घालत होते, तेव्हा शोले हा चित्रपट प्रदर्शित झाला. मीडिया रिपोर्ट्सनुसार, त्यावेळी हा चित्रपट ३ कोटी रुपयांमध्ये बनवण्यात आला होता. १५ ऑगस्ट, १९७५ रोजी प्रदर्शित झालेला 'शोले' भारतातील १०० हून अधिक चित्रपटगृहांमध्ये २५ आठवड्यांहून अधिक काळ चालला. देशभरात २५ कोटी तिकिटे विकली गेली आणि एकट्या भारतात ३५ कोटी रुपयांची कमाई झाली.

३ कोटी रुपये बजेट असलेल्या चित्रपटाच्या कलाकारांना त्यावेळी किती मानधन मिळत होते हे तुम्हाला माहीत आहे का? मीडिया रिपोर्ट्सनुसार, 'वीरू'ची भूमिका साकारण्यासाठी धर्मेंद्र यांना फक्त १ लाख ५० हजार रुपये मिळाले होते.

'ठाकूर बलदेव सिंग'ची भूमिका साकारण्यासाठी संजीव कुमार यांना १ लाख २५ हजार रुपये मिळाले.

तुमचा विश्वास बसणार नाही, पण अमिताभ बच्चन यांना 'जय'च्या भूमिकेसाठी संजीव कुमार यांच्यापेक्षा कमी फी मिळाली. या पात्रासाठी त्यांना फक्त १ लाख रुपये मिळाले.

हेमा मालिनी यांनी 'बसंती'ची भूमिका साकारली होते. या चित्रपटासाठी त्यांना फक्त ७५ हजार रुपये मानधन मिळाले होते.

'गब्बर सिंग' म्हणजेच अमजद खान यांना हेमा मालिनी यांच्यापेक्षा कमी फी मिळाली होती. या भूमिकेसाठी त्यांना फक्त ५० हजार रुपये मानधन मिळाले होते.

जया बच्चन यांच्या फीबद्दल ऐकाल तर तुम्हाला धक्का बसेल. 'राधा'च्या भूमिकेसाठी त्यांना फक्त ३५ हजार रुपये मिळाले होते.

त्याचवेळी 'जेलर'च्या भूमिका साकारणाऱ्या असरानी यांना केवळ १५ हजार रुपये, 'कालिया'च्या रोलसाठी विजू खोत यांना १० हजार रुपये, 'सांबा' म्हणजेच मॅक मोहन यांना १२ हजार रुपये आणि 'रहिम चाचा' यांना फक्त ८ हजार रुपये मानधन मिळाले होते.