Bigg Boss 15 Finale: ‘बिग बॉस’चे विजेते सध्या काय करतात ? एक तर चालवतो ढाबा

Bigg Boss 15 Finale: ‘बिग बॉस 15’च्या विजेत्याचे नाव काहीच तासांत कळणार आहे. पण याआधीच्या 14 सीझनच्या विजेत्यांचे काय? सध्या काय करतात हे विजेते?

रूबीना दिलैक ही बिग बॉसच्या सीझन 14 ची विजेती. बिग बॉस 14 ची ट्रॉफी जिंकल्यानंतर 2021 मध्ये रूबीनाची ‘शक्ती अस्तित्व की’ या शोमध्ये दुसऱ्यांदा वर्णी लागली. याशिवाय मर जानिया, गलत और तुमसे प्यार है यासारख्या म्युझिक अल्बममध्ये ती झळकली.

सिद्धार्थ शुक्ला ‘बिग बॉस 13’चा विजेता होता. सिद्धार्थ आज या जगात नाही. 2 सप्टेंबर 2021 रोजी हृदयविकाराच्या धक्क्याने त्याचं निधन झालं. बिग बॉस 13 ची ट्रॉफी जिंकल्यानंतर सिद्धार्थ ‘ब्रोकन बट ब्युटिफुल 3’ या सीरिजमध्ये दिसला होता. अनेक म्युझिक अल्बममध्येही तो दिसला होता.

बिग बॉसचा 12 वा सीझन दीपिका कक्कडने जिंकला होता. गतवर्षी ती ‘ससुराल सिमर का 2’मध्ये झळकली होती. या मालिकेनंतर ती कोणत्याही शोमध्ये झळकलेली नाही़ अर्थात सोशल मीडियावर ती प्रचंड अ‍ॅक्टिव्ह आहे.

शिल्पा शिंदे हिने बिग बॉसचा 11 वा सीझन गाजवला होता. या शोची ती विजेती होती. हा सीझन जिंकल्यानंतर तिने ‘गँग्स ऑफ फिलिस्तान’ मधून कमबॅक करण्याचा प्रयत्न केला होता. 2021 मध्ये ‘पौरषपूर’ या वेबसीरिजमध्ये ती झळकली होती. सध्या तरी तिच्याकडे कोणताही प्रोजेक्ट नाही.

बिग बॉस 10ची ट्रॉफी मनवीर गुज्जरने जिंकली होती. बिग बॉसच्या इतिहासात पहिल्यांदा मनवीरच्या रूपात एका सामान्य व्यक्तिने बिग बॉसची ट्रॉफी जिंकली होती. सध्या मनवीर लाईमलाईटपासून दूर आयुष्य जगत आहे.

प्रिंस नरूला हा बिग बॉस 9 चा विजेता होता. रोडिज या शोमध्ये तो गँगलीडर म्हणून दिसला होता. 2020 नंतर तो या शोपासून दूर आहे. सध्या त्याच्या नव्या प्रोजेक्टची माहिती नाही.

बिग बॉस 8 चा विजेता गौतम गुलाटी गतवर्षी सलमान खानसोबत ‘राधे’ या सिनेमात झळकला होता. बिग बॉस जिंकल्यानंतर अजही, बहन होगी तेरी, व्हर्जिन भानुप्रिया अशा अनेक सिनेमात तो झळकला होता.

बिग बॉस 7 जिंकल्यानंतर गौहर खान अनेक शोमध्ये झळकली. 2021 मध्ये 14 फेरे आणि तांडव या वेबसीरिजमध्ये ती दिसली. लवकरच ती बेस्टसेलर या सीरिजमध्ये दिसणार आहे. गतवर्षी तिने कोरिओग्राफर जैद दरबारशी लग्न केलं.

उर्वशी ढोलकिया ही बिग बॉसच्या सीझन 6 ची विजेती होती. हा शो जिंकल्यानंतर ती अनेक शोमध्ये दिसली. लवकरच ती नागीन 6 मध्ये दिसणार आहे.

जुही परमार ही बिग बॉसच्या 5 व्या सीझनची विजेती होती. गतवर्षी ‘तंत्र’ या टीव्ही मालिकेतून तिने कमबॅक केलं होतं. हमारीवाली गुड न्यूज या मालिकेतही ती झळकली होती. सध्या मात्र तिच्याकडे कोणताही प्रोजेक्ट नाही.

बिग बॉस 4 ची विजेती श्वेता तिवारी ‘मेरे डॅड की दुल्हनिया’ या मालिकेत दिसली होती. गतवर्षी ‘खतरो के खिलाडी’ या रिअ‍ॅलिटी शोमुळे ती चर्चेत आली होती. सध्या ती तिच्या वादग्रस्त विधानामुळे चर्चेत आहे.

2009 मध्ये बिग बॉस 3 चा विजेता राहिलेला बिंद दारा सिंह सध्या कोणत्याही प्रोजेक्टचा भाग नाही. बिग बॉसच्या 13 व्या आणि 14 व्या सीझनमध्ये तो गेस्ट म्हणून दिसला होता.

आशुतोष राणा हा बिग बॉस 2 चा विजेता होता. लाल रंग, जिला गाजियाबाद, किस्मत पैसा दिल्ली अशा अनेक सिनेमात तो झळकला. पहिल्या लॉकडाऊनमध्ये तो लग्नबंधनात अडकला होता. लग्नाच्या खर्चाचे पैसे त्यो पीएम केअर फंडमध्ये दान केले होते. सध्या आयुतोष युपीच्या सहारनपूर येथे ढाबा चालवतो.

राहुल रॉय हा बिग बॉस 1 चा विजेता होता. बिग बॉस जिंकल्यानंतरही त्याच्या करिअरची गाडी रूळावर आली नाही. अनेक सिनेमात छोट्या छोट्या भूमिका त्याने केल्या. 2019 मध्ये कॅबरेट या सिनेमात तो झळकला होता. गतवर्षी त्याला ब्रेनस्ट्रोक आला होता. अनेक दिवस तो रूग्णालयात होता.