फोटोतील क्युट चिमुकलीला ओळखलं का? बॉलिवूड अभिनेत्याबरोबर होतं अफेअर, आता गाजवतेय 'बिग बॉस'चं घर

लोकप्रिय अभिनेत्रीच्या इन्स्टाग्रामवरुन बालदिनानिमित्त तिचे लहानपणीचे काही फोटो शेअर करण्यात आले आहेत. या अभिनेत्रीचा क्यूटनेस पाहून चाहतेही भारावले आहेत.

आज १४ नोव्हेंबर म्हणजे बालदिन. अनेक सेलिब्रिटी त्यांच्या बालपणीचे फोटो यानिमित्ताने शेअर करतात. अशाच एका अभिनेत्रीचे फोटो सोशल मीडियावर व्हायरल झाले आहेत.

लोकप्रिय अभिनेत्रीच्या इन्स्टाग्रामवरुन बालदिनानिमित्त तिचे लहानपणीचे काही फोटो शेअर करण्यात आले आहेत. या अभिनेत्रीचा क्यूटनेस पाहून चाहतेही भारावले आहेत.

फोटोत दिसणारी ही क्यूट चिमुकली सध्या 'बिग बॉस'च्या घरात आहे. 'बिग बॉस १७'मध्ये तिने पतीसह दणक्यात एन्ट्री घेतली होती. 'बिग बॉस'च्या घरातील चर्चेतील चेहऱ्यांपैकी ती एक आहे.

टीव्ही मालिकेपासून करिअरची सुरुवात केलेल्या या अभिनेत्रीला एकता कपूरच्या मालिकेत पहिला ब्रेक मिळाला होता. बॉलिवूड अभिनेता सुशांत सिंह राजपूतबरोबरच्या अफेअरमुळे ती चर्चेत होती.

ही अभिनेत्री दुसरी तिसरी कोणी नसून मराठमोळी अंकिता लोखंडे आहे. बालदिनानिमित्त तिचे हे फोटो शेअर करण्यात आले आहेत.

अंकिताने विकी जैनसह 'बिग बॉस'च्या घरात पाऊल ठेवलं. पण, 'बिग बॉस'च्या घरात त्यांच्यात खटके उडत असल्याचं दिसत आहे. त्यामुळे अंकिता आणि विकी चर्चेत आहेत.

'पवित्रा रिश्ता' मालिकेतून प्रसिद्धीझोतात आलेल्या अंकिताने चित्रपटांतही काम केलं आहे. कंगना रणौतच्या 'मणिकर्णिका'मध्ये ती झळकली होती.