५ वर्ष सिनेमे फ्लॉप! २०२३ मध्ये छोट्याश्या भूमिकेने अभिनेत्याच्या करिअरला मिळाली कलाटणी, आज चर्चेतलं नाव

सलग ५ वर्ष या अभिनेत्याला एकही सुपरहिट सिनेमा देता आला नाही. २०२३ मध्ये मात्र अभिनेत्याच्या करिअरला नवी दिशा मिळाली

हा अभिनेता देओल कुटुंबातील आहे. दिग्गज अभिनेते धर्मेंद्र यांची दोन्ही मुलं अर्थात सनी देओल आणि बॉबी देओल हे सिनेसृष्टीत चर्चेत आहेत

बॉबी देओलची आज चर्चा असली तरीही एक काळ असा होता की फक्त फ्लॉप सिनेमे देणाऱ्या अभिनेत्यांमध्ये बॉबीची गणती व्हायची

किस्मत, बरदाश्त, चोर मचाए शोर, टँगो चार्ली हे बॉबी देओलचे सिनेमे ओळीने फ्लॉप झाले. त्यावेळी धर्मेंद्र यांनी लेकाचं करिअर वाचवण्यासाठी अपने हा सिनेमा बनवला

अपनेनंतरही बॉबी देओलचं करिअर रुळावर आलं नाही. काही वर्षांपूर्वी प्रकाश झा दिग्दर्शित आश्रम वेबसीरिजने बॉबी देओल पुन्हा चर्चेत आला

आश्रम सिनेमानंतर २०२३ मध्ये अॅनिमल सिनेमामुळे बॉबीला खऱ्या अर्थाने प्रसिद्धी मिळाली. बॉबीने अॅनिमल सिनेमात साकारलेली अबरारची भूमिका चांगलीच गाजली

एकही शब्द न बोलता या छोट्याश्या भूमिकेतून बॉबी देओलच्या करिअरला जणू कलाटणी मिळाली.

आज बॉबी देओल हिंदीसह साऊथमध्येही गाजतोय. नुकताच बॉबीचा कंगुआ हा साऊथ सिनेमा लोकांच्या भेटीला आलाय