२ लग्न, १ घटस्फोट अन् दुसऱ्या पतीला पाठवलं तुरुंगात, वादग्रस्त राहिलं या अभिनेत्रीचं आयुष्य

वयाची ४०शी उलटली तरी ही अभिनेत्री जगतेय एकाकी आयुष्य

फोटोत दिसणारी ही मुलगी केवळ अभिनेत्रीच नाही तर एक अप्रतिम डान्सर देखील आहे. ही गोंडस दिसणारी मुलगी आज सोशल मीडियावर खूप सक्रिय आहे. कुटुंबात आईच्या अगदी जवळ असलेली ही अभिनेत्री आज ४४ वर्षांची झाली आहे. या अभिनेत्रीच्या आयुष्यात अनेक चढउतार आले आहेत.

ही अभिनेत्री सलमान खानला भाईजान म्हणते आणि त्याच्याविरोधात बोलणाऱ्यांची वर्गवारीही करते. ही अभिनेत्री तिच्या वेगळ्या शैली आणि स्पष्टवक्तेपणासाठी ओळखली जाते. या निरागस दिसणाऱ्या मुलीला ओळखलंत का? नाही. आम्ही तुम्हाला सांगतो तिच्याबद्दल

निरागस दिसणारी ही अभिनेत्री बॉलिवूडची ड्रामा क्वीन म्हणून प्रसिद्ध आहे. ती कोण आहे याचा अंदाज आतापर्यंत आला असेल ना. हा फोटो राखी सावंतच्या बालपणीचा आहे. राखी सावंत ही अभिनेत्री आजही चर्चेत असते. कधी तिच्या फनी लूकमुळे तर कधी तिच्या वक्तव्यांमुळे नेहमीच चर्चेत राहणाऱ्या राखी सावंतचे आयुष्य संघर्षांनी भरलेले होते.

राखीचे खरे नाव नीरू भेडा आहे. जेव्हा नीरूने बॉलिवूडमध्ये प्रवेश केला तेव्हा तिने तिचे नाव बदलून राखी सावंत ठेवले. राखीचे बालपण अनेक अडचणीत गेले. राखी आपल्या कुटुंबासोबत मुंबईत एका छोट्याशा चाळीत राहत होती.

घरच्या गरीब परिस्थितीमुळे राखी सावंतने वयाच्या १० व्या वर्षी काम करायला सुरुवात केली. घरात अनेक बंधने असतानाही राखीने बॉलिवूड आणि अभिनयात करिअर करण्याचा निर्धार केला होता.

'मोहब्बत है मिर्ची'मध्ये राखीने डान्स केला होता. २००३ मध्ये रिलीज झालेल्या या गाण्याने 'ड्रामा क्वीन'ने सर्वांचे लक्ष वेधून घेतले आणि प्रसिद्धीच्या झोतात आले. राखी सावंतही अनेक वादांनी घेरली होती.

सोशल मीडियावरील तिच्या वक्तव्यांमुळे अभिनेत्री दररोज अडचणीत येत आहे. KISS संदर्भात मिका वादात अडकला होता. सनी लिओनवरील वक्तव्य, कॉस्मेटिक सर्जरी, शर्लिन चोप्रासोबतचा वाद, पती रितेश राज पुढे आल्यानंतरचा वाद आणि आता आदिल खान दुर्रानीसोबतचा वाद यामुळे ती चर्चेत आली होती.

राखी सावंत नेहमीच तिच्या वैयक्तिक आयुष्यामुळे चर्चेत असते. पती आदिल खानमुळे ती गेल्या काही दिवसांपासून चर्चेत आहे. तिने अचानक आदिल खानशी लग्नाची घोषणा केली आणि त्यानंतर तिने त्याच्यावर अत्याचाराचा आरोप केला. इतकेच नाही तर आदिलला तुरुंगातही जावे लागले. तुरुंगातून आल्यानंतर दोघांनी एकमेकांवर चिखलफेक केली होती.

मीडियाच्या रिपोर्टनुसार, राखी सावंतकडे जवळपास ३७ कोटींची संपत्ती आहे. रिअॅलिटी शो, इव्हेंट्स आणि सोशल मीडियाच्या माध्यमातून ती कमाई करते. एवढेच नाही तर राखीचे मुंबईत स्वतःचे घरही असल्याचे सांगण्यात येत आहे. ती अंधेरी आणि जुहू येथील दोन फ्लॅटची मालकीण आहे.