Akshay Kumar Tax : अक्षय कुमार ठरला सर्वाधिक कर देणारा स्टार, एका सिनेमासाठी किती फी घेतो माहितीये?

Akshay Kumar Tax : गेल्या पाच वर्षांपासून सर्वाधिक कर भरणाऱ्यांमध्ये अक्षय कुमार अव्वल राहिला आहे. यंदाही त्याने सर्वाधिक कर भरला आहे.

अक्षय कुमार पुन्हा एकदा एंटरटेनमेंट इंडस्ट्रीतला सर्वाधिक कर भरणारा अभिनेता ठरला आहे. अक्षयला आयकर विभागाकडून सन्मानपत्र मिळालं आहे.

सर्वाधिक कर देणाऱ्या कलाकारांच्या यादीत गेल्या पाच वर्षांपासून अक्षय कुमार अव्वल आहे. यंदाही त्याने सर्वाधिक कर भरला आहे.

यावर्षी अक्षयने किती भरला, हे माहित नाही. पण आयकर विभागाने त्याला सन्मानपत्र दिलं असून अक्षय सर्वाधिक कर भरणारा सेलिब्रिटी असल्याचं म्हटलं आहे.

2018 साली अक्षय कुमार सातव्या क्रमांकाच सर्वाधिक कमाई करणारा अभिनेता ठरला होता. फोर्ब्स मॅगझिनच्या सर्वाधिक कमाई करणाऱ्या जगभरातील कलाकारांच्या यादीत तो 7 व्या क्रमांकावर होता.

अक्षय एका चित्रपटासाठी कोट्यवधी रूपयांचं मानधन घेतो. अलीकडे प्रदर्शित झालेल्या ‘सम्राट पृथ्वीराज’ या सिनेमासाठी अक्षयने 60 कोटी फी घेतल्याची चर्चा आहे.

एका जाहिरातीसाठी तो 8 ते 10 कोटी रूपये वसूल करतो. टॅक्सचं म्हणाल तर, 2017 साली त्याने 29.5 कोटींचा टॅक्स भरला होता. त्यावर्षीचा तो सर्वाधिक कर भरणारा सेलिब्रिटी होता.

2014-15 साली देखील अक्षय सर्वाधिक कर भरणारा अभिनेता ठरला होता. आजघडीला अक्षय बॉलिवूडचा सर्वाधिक बिझी स्टार आहे. साहजिकच तो सर्वाधिक कर भरणारा अ‍ॅक्टर ठरला असेल तर त्यात नवल नाही.

अक्षयच्या झोळीत आत्ताही 7 सिनेमे आहेत. रक्षाबंधन, रामसेतू, कठपुतली, सेल्फी, ओएमजी 2, कॅप्सूल गिल आणि Soorarai Pottru या चित्रपटाच्या हिंदी रिमेकमध्ये तो झळकणार आहे.