"माझ्या सख्या बहिणीसमोर ती पानी कम", सावत्र भावाकडून आलियाची पूजा भटसोबत तुलना

आलिया ही बॉलिवूड दिग्दर्शक महेश भट यांची मुलगी आहे. पण, आलियाबाबत तिचा सावत्र भाऊ राहुल भटने केलेलं विधान चर्चेत आलं आहे.

आलिया भट ही बॉलिवूडमधली आघाडीची अभिनेत्री. गंगूबाई काठियावाडी, राझी, कलंक, ब्रह्मास्त्र, जिगरा अशा सिनेमांमधून तिने दमदार भूमिका साकारून प्रेक्षकांची मनं जिंकली.

आलिया ही बॉलिवूड दिग्दर्शक महेश भट यांची मुलगी आहे. पण, आलियाबाबत तिचा सावत्र भाऊ राहुल भटने केलेलं विधान चर्चेत आलं आहे.

राहुल भटने आलियाची तुलना त्याची सख्खी बहीण पूजा भटशी केली आहे. पूजासमोर आलिया काहीच नाही, असं त्याने म्हटलं आहे.

राहुलने हिंदी रशला दिलेल्या मुलाखतीत आलियाचं कौतुक करत ती करिअरसोबतच संसारही सांभाळत असल्याचं म्हटलं. एक आई असण्याबरोबरच ती करिअरमध्येही यशस्वी असल्याचं राहुल म्हणाला.

पण, आलिया भट कुटुंबाची परंपरा पुढे नेत असल्याच्या मतावर त्याने दुमत व्यक्त केलं. "माझ्या मते ती माझ्या बहिणीच्या अर्ध टॅलेंटही तिच्यात नाही", असं तो म्हणाला.

"तिच्याकडे टॅलेंट नाही, ती चांगली दिसत नाही आणि सेक्सीही नाही. माझ्या सख्या बहिणीसमोर ती पाणी कम आहे. पण, हे माझं वैयक्तिक मत आहे", असंही तो म्हणाला.

राहुल भट हा महेश भट आणि त्यांच्या पहिल्या पत्नी किरण भट यांचा मुलगा आहे. किरण यांच्यापासून महेश यांना पूजा भट ही मुलगीदेखील आहे.

तर सोनिया राजदान या महेश भट यांच्या दुसरी पत्नी आहेत. त्यांना आलिया आणि शाहीन या दोन मुली आहेत.