"विराट हा माझा...", 'ॲनिमल' फेम तृप्ती डिमरीचं King कोहलीबाबत मोठं विधान

विराटबाबत वक्तव्य केल्याने तृप्ती पुन्हा एकदा चर्चेत आली आहे.

रणबीर कपूर मुख्य भूमिकेत असलेल्या 'ॲनिमल' चित्रपटाने सर्वत्र धुमाकूळ घातला आहे. या सिनेमात रणबीरबरोबर इंटिमेट सीन्स दिल्यामुळे अभिनेत्री तृप्ती डिमरी चर्चेत आली आहे.

'ॲनिमल'मधील तृप्तीचे रणबीरबरोबरचे सीन्स व्हायरल झाले आहेत. अनेक बॉलिवूड सिनेमांत महत्त्वाच्या भूमिकेत दिसलेली तृप्ती 'ॲनिमल'मुळे प्रसिद्धीझोतात आली आहे.

या सिनेमात तिने झोया रियाझ हे पात्र साकारलं आहे. 'ॲनिमल'मधील भूमिकेमुळे तिला ट्रोलही केलं जात आहे.

'ॲनिमल'मुळे तृप्तीच्या चाहत्या वर्गातही भर पडली आहे. तृप्तीच्या इन्स्टाग्राम फॉलोवर्समध्येही प्रचंड वाढ होताना दिसत आहे.

रणबीर कपूर, अनिल कपूर, रश्मिका मंदाना, बॉबी देओल अशी तगडी स्टारकास्ट असून आणि 'ॲनिमल'मध्ये अगदी छोटी भूमिका साकारून तृप्तीने लाइमलाइट खेचून घेतलं आहे.

नुकतंच तृप्तीने भारताचा स्टार क्रिकेटर विराट कोहलीबाबत केलेलं वक्तव्य चर्चेत आलं आहे.

एका मुलाखतीत तृप्तीला "तुझा आवडता क्रिकेटर कोण?" असा प्रश्न विचारण्यात आला. याचं उत्तर देताना तृप्तीने विराटचं नाव घेतलं.

"माझा आवडता क्रिकेटर विराट कोहली आहे. यात काहीच शंका नाही", असं तृप्ती म्हणाली.

अनेकांची क्रश असलेली तृप्ती मात्र विराट कोहलीवर फिदा आहे. विराटबाबत वक्तव्य केल्याने तृप्ती पुन्हा एकदा चर्चेत आली आहे.

तृप्तीने पोस्टर 'बॉइज', 'लैला मजनू', 'बुलबुल', 'मॉम', 'मेरे महबूब मेरे सनम' या सिनेमांतही महत्त्वाच्या भूमिका साकारल्या आहेत.