Who is Anubhav Singh Bassi: रणबीर नव्हे ‘बस्सी’ची हवा..., ‘तू झूठी मैं मक्कार’चा ट्रेलर रिलीज चर्चेत आला हा चेहरा

Tu Jhoothi Main Makkaar, Ranbir Kapoor, Anubhav Singh Bassi : ‘तू झूठी मैं मक्कार’ सिनेमाचा ट्रेलर रिलीज झाला अन् स्टॅंडअप कॉमेडियन अनुभव सिंह बस्सीचं नाव ट्रेंड होऊ लागलं...

‘तू झूठी मैं मक्कार’ सिनेमाचा ट्रेलर रिलीज झाला अन् स्टॅंडअप कॉमेडियन अनुभव सिंह बस्सीचं नाव ट्रेंड होऊ लागलं. तू झूठी मैं मक्कार ट्रेलरमध्ये २-३ सीनमध्ये दिसलेला अनुभव कोण, कुठला हे जाणून घेण्यास चाहते उत्सुक आहेत.

तू झूठी मै मक्कार सिनेमात रणबीर कपूर आणि श्रद्धा कपूर मुख्य भूमिकेत आहेत. अनुभव सिंग बस्सीनं रणबीरच्या खास मित्राची भूमिका केली आहे. या सिनेमातून अनुभव बॉलिवूडमध्ये डेब्यू करतोय.

हा अनुभव सिंह बस्सी कोण आहे, हे जाणून घेण्यास तुम्हीही उत्सुक असाल. तर तो स्टँड अप कॉमेडीचा बादशाह आहे.

बस्सीचा शो म्हटल्यावर तो हाऊसफुल असणार, हे ठरलेलं समीकरण आहे. भारतातील तब्बल ३५ शहरांमध्ये त्याचे कॉमेडी शो झाले आहेत. विदेशातही त्याचे शो झाले आहेत.

बस्सीची स्टँड अप कॉमेडी ऐकण्यासाठी दूरून दूरून लोक येतात. त्याचे जगभर चाहते आहेत. सोशल मीडियावर लाखोंची फॅन फॉलोइंग आहे.

अनुभव सिंह बस्सी हा मूळचा उत्तर प्रदेशातला. अनुभवनं २०१५ मध्ये डॉ.राम मनोहर लोहिया या नॅशनल लॉ युनिव्हर्सिटीतून वकीलीचं शिक्षण घेतलं आहे.

त्याने अनेक वर्ष युपीएससीचा अभ्यास केला. बिझनेसमध्ये देखील नशीब आजमावलं. पण कॉमेडीतील त्याच्या आवडीनं त्याला त्याचं करिअर बदलायला लावलं.

२०१७ मध्ये अनुभवनं स्टॅंड-अप कॉमेडीच्या आपल्या कार्यक्रमांना सुरुवात केली. त्याने पहिल्यांदा ओपन माइक परफॉर्मन्स दिला. लाखो लोकांनी त्याचा हा परफॉर्मन्स पाहिला.

अनुभवचं स्वतःचं युट्युब चॅनेल देखील आहे. ज्याला तीन मिलियनहून अधिक लोकांनी सबस्क्राइब केलं आहे. इन्स्टाग्रामवर त्याचे १ मिलियनहून अधिक फॉलोअर्स आहेत.

नेटफ्लिक्सचा एक शो अनुभवनं होस्ट केला होता. या शोमध्ये त्याने कपिल शर्माची मुलाखत घेतली होती. त्याला टेड टॉकसाठी देखील बोलावलं गेलं होतं.