कुठे हरवली बॉबी देओलची 'करीब'फेम अभिनेत्री? मनोज बाजपेयीशी लग्न केल्यानंतर झाली बॉलिवूडपासून दूर

Neha: या चित्रपटातून नेहा लोकप्रिय झाली. मात्र, त्यानंतर ती फार मोजक्या चित्रपटांमध्ये झळकली. त्यामुळे सध्या ती काय करते असा प्रश्न नेटकऱ्यांना पडतो.

बॉबी देओलची मुख्य भूमिका असलेला करीब हा चित्रपट साऱ्यांनाच ठावूक असेल. १९९८ मध्ये हा चित्रपट प्रेक्षकांच्या भेटीला आला.

या चित्रपटात बॉबी देओलसोबत आणखी एक भूमिका गाजली ती म्हणजे अभिनेत्री नेहा हिची. चेहऱ्यावरील निष्पाप भाव आणि साधेपणा यामुळे तिने प्रेक्षकांची मनं जिंकली.

या चित्रपटातून नेहा लोकप्रिय झाली. मात्र, त्यानंतर ती फार मोजक्या चित्रपटांमध्ये झळकली. त्यामुळे सध्या ती काय करते असा प्रश्न नेटकऱ्यांना पडतो.

नेहाने अभिनेता मनोज बाजपेयीसोबत लग्नगाठ बांधली आहे. करीबच्या सेटवरच या दोघांची पहिली भेट झाली होती. त्यानंतर या भेटीचं प्रेमात व नंतर लग्नात रुपांतर झालं.

लग्नानंतर नेहाचा कलाविश्वातील वावर कमी झाला असून आता ती तिचा सगळा वेळ कुटुंबासाठी देते.

नेहाच्या लूकमध्येही कमालीचा बदल झाला आहे. लांबसडक केस असलेल्या नेहाने तिचा हेअर कट चेंज केला आहे. त्यामुळे तिला ओळखणंही कठीण आहे.

नेहाचं खरं नाव शबाना असं असून कलाविश्वात येण्यापूर्वी तिने नाव चेंज केलं. नेहाने फिजा, होगी प्यार की जीत, कोई मेरे दिल में हैं या सारख्या चित्रपटांमध्ये काम केलं आहे.