Janhvi Kapoor, Mr and Mrs Mahi Photos: जान्हवी कपूरसोबत दिसला 'मुंबई इंडियन्स'चा माजी क्रिकेटर; फोटो झाले व्हायरल, चर्चांना जोर

बॉलिवूड आणि क्रिकेट यांचं नातं भारतीयांसाठी फारसं नवीन नाही.

बॉलिवूड अभिनेत्री जान्हवी कपूर ही धडक सिनेमातून प्रेक्षकांसमोर आली. त्यानंतर गुंजन सक्सेना चित्रपटातील तिच्या अभिनयाला अनेकांनी शाबासकी दिली. त्यामुळे चित्रपटांमुळे नेहमी चर्चेत असणारी जान्हवी सध्या एका वेगळ्याच कारणाने चर्चेत आली आहे.

चित्रपट निर्माता करण जोहरच्या धर्मा प्रोडक्शन हाऊसने गेल्या वर्षी क्रिकेटवर आधारित Mr And Mrs Mahi चित्रपटाची घोषणा केली होती.

यासोबतच चित्रपटाच्या मुख्य भूमिकेसाठी जान्हवी कपूर आणि राजकुमार राव यांची निवड करण्यात आली होती.

बुधवारी जान्हवी कपूरने इंस्टाग्रामवर काही फोटो शेअर केले. त्या फोटोंमध्ये जान्हवी तिच्या चित्रपटाची तयारी करताना दिसली.

Mr And Mrs Mahi हा चित्रपट क्रिकेटवर आधारित असल्याने या चित्रपटासाठी जान्हवी कपूरने क्रिकेटचा सराव केला.

जान्हवी मैदानात उतरली. हेल्मेट घालून आता मी क्रिकेट खेळण्यासाठी सज्ज आहे अशा आवेशात तिने काही फोटो पोस्ट केले.

क्रिकेटचा सराव करतानाचे टीमसोबतचे काही फोटो जान्हवीने शेअर केले. २०१९च्या विश्वचषक स्पर्धेत टीम इंडियाचे प्रतिनिधित्व करणारा अनुभवी खेळाडू दिनेश कार्तिक याच्यासोबत तिने सराव केला.

जान्हवीने सराव करतानाचे फोटो पोस्ट करत लिहिले, 'क्रिकेट कॅम्प, मिस्टर आणि मिसेस माही"

या फोटोंमध्ये मुंबई इंडियन्सचे दोन खेळाडू म्हणजेच माजी क्रिकेटर अभिषेक नायर आणि दिनेश कार्तिक हे दोघे काही इतर लोकांसोबत दिसले. फोटो पटकन व्हायरल झाल्याने चर्चा रंगली. त्यानंतर जान्हवीला क्रिकेटचे धडे देण्यासाठी हे दोघे तेथे हजर असल्याचं समजलं.

आम्ही Mr And Mrs Mahi हा चित्रपट घेऊन प्रेक्षकांच्या भेटील येत आहोत, असं जान्हवीने आधीच सांगितलं होतं. चित्रपटगृहात या सिनेमा ७ ऑक्टोबर २०२२ ला रिलीज होणार आहे.

सर्व फोटो सौजन्य - जान्हवी कपूर इन्स्टाग्राम