खासदार होताच कंगना राणौतने चुलत भावाला लग्नात गिफ्ट केलं आलिशान घर, पाहा फोटो

कंगनाचा भाऊ वरुण रणौतचं नुकतंच लग्न झालं. खासदार होताच कंगनाने तिच्या चुलत भावाला आलिशान घर गिफ्ट केलं आहे.

बॉलिवूडची क्वीन कंगना राणौत लोकसभा निवडणुकीमुळे चर्चेत होती. भाजपाच्या तिकिटावर निवडणुक लढवून कंगना हिमाचल प्रदेशातील मंडी येथून खासदार म्हणून निवडूण आली.

खासदार होताच कंगनाने तिच्या चुलत भावाला आलिशान घर गिफ्ट केलं आहे. कंगनाचा भाऊ वरुण रणौतचं नुकतंच लग्न झालं.

लग्नाचं गिफ्ट म्हणून कंगनाने भाऊ आणि वहिनीला चंदिगड येथे आलिशान घर दिलं आहे. या घराचे फोटो कंगनाच्या भावाने शेअर केले आहेत.

"कुटुंबीयांबरोबर नव्या घरात नवीन सुरुवात...कंगना रणौत दी तुझ्या येण्यामुळे घराची आणि कार्यक्रमाची शोभा वाढली. एवढं सुंदर घर...तुझं प्रेम आणि आशीर्वाद यांसाठी खूप धन्यवाद", असं कॅप्शन त्याने या फोटोला दिलं आहे.

या फोटोंमध्ये आलिशान घराची झलक पाहायला मिळत आहे. घरात आकर्षक आणि सुंदर सजावटही केली आहे.

इंटेरियर आणि फर्निचरने घराची शोभा वाढल्याचं पाहायला मिळत आहे.

कंगनाचा भाऊ वरुण आणि त्याची पत्नी सीमा हिनेदेखील इन्स्टावर स्टोरी शेअर करत कंगनाचे आभार मानले आहेत.

कंगनाचं तिच्या कुटुंबीयांवर खूप प्रेम आहे. कुटुंबातील अनेक कार्यक्रमांना ती हजेरी लावताना दिसते.

तर कंगनाचा भाऊ वरुणला तिच्यावर अभिमान आहे. याआधीही वरुणने अनेकदा कंगनासाठी फोटो शेअर करत पोस्ट लिहिल्या आहेत.