अभिनयासाठी बदललं नाव, कॅन्सरमुळे इंडस्ट्रीतून गायब! आता कंगनाच्या सिनेमातून करतेय कमबॅक

Mahima Chaudhary : बॉलिवूडमध्ये अशा असंख्य अभिनेत्री आहेत ज्यांना पहिल्याच चित्रपटातून प्रसिद्धी मिळाली. पण, काही कारणांमुळे त्यांना अभिनयापासून लांब जावं लागलं. आज आपण अशाच एका अभिनेत्रीबद्दल जाणून घेणार आहोत.

१९९७ मध्ये प्रदर्शित झालेल्या सुभाष घई यांच्या 'परदेस' सिनेमातून अभिनेत्री रातोरात स्टार झाली. ही अभिनेत्री म्हणजे महिमा चौधरी. पहिल्याच सिनेमात शाहरुखसोबत स्क्रीन शेअर करून ती प्रचंड लोकप्रिय झाली.

फार कमी लोकांना अभिनेत्री महिमा चौधरीचं खरं नाव माहित असेल. ऋतु चौधरी हे नाव बदलून तिने बॉलिवूडमध्ये डेब्यू केला. दिग्दर्शक सुभाष घई यांच्या सांगण्यावरून तिने आपलं नाव बदलंल असं सांगण्यात येत.

यश पायशी लोटांगण घालत असताना अभिनेत्रीवर काळाने घाला घातला. १९९९ साली 'दिल क्या करें' या चित्रपटाच्या शूटिंग दरम्यान महिमाचा अपघात झाला. .या दुर्घटनेत तिला गंभीर दुखापत झाली.

यशाच्या शिखरावर असतानाच ती २००६ मध्ये बॉर्बी मुखर्जी यांच्यासोबत लग्नबंधनात अडकली. परंतु, वैयक्तिक मतभेदांमुळे अवघ्या ७ वर्षातच त्यांचा घटस्फोट झाला. २०१३ मध्ये ते दोघं विभक्त झाले.

त्यानंतर महिमा २०१६ मध्ये आलेल्या 'डार्क चॉकलेट' या चित्रपटात दिसली होती. नंतर ती अचानक इंडस्ट्रीतून गायब झाली. २०२२ मध्ये अभिनेत्रीला कर्करोगाचं निदान झालं. या घटनेनंतर महिमाच्या करिअरला ब्रेक लागला.

आता महिमा चौधरी कंगना राणौतच्या 'इमर्जन्सी' या चित्रपटातून इंडस्ट्रीत कमबॅक करते आहे.

या चित्रपटात ती लेखिका 'पुपुल जयकर' यांच्या भूमिकेत दिसत आहे. 'इमर्जन्सी' चित्रपट येत्या ६ सप्टेंबरला प्रदर्शित होणार आहे.