गळ्यात फुलांच्या माळा अन् भोलेनाथचं दर्शन; दिवाळीत बॉलिवूड अभिनेत्रीने गाठलं केदारनाथ, शेअर केले फोटो

सध्या सर्वत्र दिवाळी मोठ्या उत्साहात साजरी केली जात आहे. सर्वत्र दिवाळीचा उत्साह असताना मात्र बॉलिवूड अभिनेत्री केदारनाथला गेली आहे.

ऐन दिवाळीत अभिनेत्री नुसरत भारुचाने केदारनाथ गाठलं आहे. नुसरतने केदारनाथला जाऊन महादेवाचं दर्शन घेतलं.

सोशल मीडियावरुन नुसरतने केदारनाथ ट्रिपचे फोटो शेअर केले आहेत. केदारनाथबरोबरच नुसरतने बद्रिनाथ मंदिरालाही भेट दिली.

"पहिल्यांदाच मी केदारनाथ आणि बद्रिनाथचं दर्शन घेतलं", असं कॅप्शन तिने या फोटोंना दिलं आहे.

या फोटोंमध्ये नुसरतच्या गळ्यात फुलांच्या माळा दिसत आहेत.

नुसरतच्या केदारनाथ ट्रिपच्या या खास फोटोंनी चाहत्यांचं लक्ष वेधून घेतलं आहे. तिच्या या फोटोंवर कमेंट करत चाहत्यांनी अभिनेत्रीचं कौतुक केलं आहे.

नुसरतने 'प्यार का पंचनामा', 'सोनू के टिटू की स्वीटी', 'लव्ह सेक्स धोका', 'ड्रीम गर्ल', 'अकेली' यांसारख्या सिनेमांमध्ये काम केलं आहे.