‘सिर्फ तुम’ चित्रपटातील 'ही' अभिनेत्री आठवते का? आता ओळखणंही आहे कठीण

Priya gill: सिर्फ तुममुळे प्रसिद्धी आलेल्या या अभिनेत्रीमध्ये आता कमालीचा बदल झाला आहे. परंतु, तिचं सौंदर्य अजूनही अबाधित असल्याचं पाहायला मिळतं.

सध्याच्या काळात कलाविश्वात असंख्य सेलिब्रिटींचा वावर असल्याचं पाहायला मिळतं. परंतु, या कलाकारांच्या गर्दीत असे काही सेलिब्रिटी असतात जे त्यांची एक वेगळी छाप प्रेक्षकांच्या मनावर पाडतात. त्यातलंच एक नाव म्हणजे प्रिया गिल.

'सिर्फ तुम' या चित्रपटाच्या माध्यमातून खऱ्या अर्थाने प्रकाशझोतात आलेल्या प्रिया गिलने तिच्या सौंदर्यामुळे आणि मंद स्मित हास्यामुळे अनेकांच्या हृदयावर राज्य केलं.

1995 साली मिस इंडिया फायनलिस्ट राहिलेल्या प्रियाने 1996 साली ‘तेरे मेरे सपने’ या चित्रपटाद्वारे बॉलिवूडमध्ये डेब्यू केला. विशेष म्हणजे हा चित्रपट कमी बजेटमध्ये तयार करण्यात आला होता. परंतु, तो सुपरहिट ठरला.

त्यानंतर 1998 साली ‘शाम घनश्याम’ या चित्रपटात प्रिया झळकली. परंतु, हा चित्रपट फारसा यशस्वी ठरला नाही. त्यानंतर सिर्फ तुम हा चित्रपट प्रेक्षकांच्या भेटीला आला.

सिर्फ तुममुळे प्रिया खऱ्या अर्थाने प्रकाशझोतात आली. या चित्रपटामुळे ती केवळ घराघरातच पोहोचली नाही तर तिने त्या काळी अनेक तरुणांच्या मनावर राज्य केलं.

सौंदर्य आणि अभिनय कौशल असतांनाही प्रिया फार काळ कलाविश्वात रमली नाही. प्रियाने अत्यंत मोजके चित्रपट केल्यानंतर या झगमगत्या विश्वातून काढता पाय घेतला.

आज प्रिया नेमकं काय करते? कुठे राहते याविषयी फारशी माहिती कोणालाही नाही. परंतु, अनेकदा तिचे फोटो सोशल मीडियावर व्हायरल होत असतात.

सिर्फ तुममुळे प्रसिद्धी आलेल्या या अभिनेत्रीमध्ये आता कमालीचा बदल झाला आहे. परंतु, तिचं सौंदर्य अजूनही अबाधित असल्याचं पाहायला मिळतं.

प्रियाने सलमान खान, नागार्जुन, सुष्मिता सेन, संजय कपूर अशा अनेक सेलिब्रिटींसोबत प्रियाने काम केले.

शाहरुख खान आणि ऐश्वर्या राय यांची मुख्य भूमिका असलेल्या ‘जोश’ या चिपटातही ती झळकली होती.जोशनंतर प्रिया ‘बडे दिलवाला’ या चित्रपटात झळकली. पण या चित्रपटानंतर तिच्या फिल्मी करिअरला ओहोटी लागली.

‘एलओसी’ या सिनेमात प्रिया अखेरची झळकली. त्यानंतर तिने तिचा मोर्चा दाक्षिणात्य चित्रपटांकडे वळवला. (फोटो सौजन्य: इन्स्टाग्राम)