'तुम बिन' सिनेमातील या अभिनेत्याची अवस्था पाहून चाहते हैराण, ओळखणंही झालंय कठीण

२००१ साली बॉलिवूडला असा आकर्षक अभिनेता मिळाला ज्याने आपल्या करिअरची सुरूवात अभिनेत्री रेखासोबत केली. यानंतर त्याने सुपरहिट गाणी असलेले सुपरहिट चित्रपट बॉलिवूडला दिले. पण या अभिनेत्याची कारकीर्द फार कमी कालावधीत संपुष्टात आली. त्याचे स्टारडम बुडाले.

२३ वर्षांपूर्वी २००१ साली रिलीज झालेल्या तुम बिन चित्रपटात चॉकलेट हिरो हिमांशु मलिक झळकला. तो बऱ्याच मोठ्या काळापासून कलाविश्वापासून दुरावला आहे. मात्र आजही तो प्रेक्षकांच्या चांगलाच लक्षात आहे. एकदा त्याने सांगितले होते की, बॉलिवूडनेच त्याचे करिअर कायमचं संपुष्ठात आणले आहे. त्यामुळे त्याला कायमचं दूर राहायचं आहे.

३१ ऑक्टोबर १९७३ रोजी जन्मलेला हिमांशू मलिक आता ५० वर्षांचा झाला आहे. सिनेइंडस्ट्रीत येण्यापूर्वी तो एक उत्तम मॉडेल होता. हिमांशूने आपल्या करिअरची सुरुवात अभिनेत्री रेखा यांच्या चित्रपटातून केली होती. जरी त्या चित्रपटातील त्याची भूमिका खूपच छोटी होती. पण जेव्हा तो मोठ्या पडद्यावर आला तेव्हा त्याची व्यक्तिरेखा पाहून सगळेच त्याच्या प्रेमात पडले.

मात्र, आता तिचे नवीन फोटो पाहिल्यानंतर तुमचा विश्वास बसणार नाही की हा हिमांशू मलिक आहे. कारण आता त्याचे वजन खूप वाढले आहे. टक्कल पडले आहे.

अभिनेता म्हणून हिमांशू मलिकचा चित्रपट 'कामसूत्र: अ टेल ऑफ लव्ह' होता. मीरा नायर दिग्दर्शित या चित्रपटात दिग्गज अभिनेत्री रेखा, इंदिरा वर्मा, रेमन टिकाराम आणि नवीन अँड्र्यूज होते. हा चित्रपट १९९६ साली प्रदर्शित झाला होता. या चित्रपटाच्या बोल्ड स्क्रिप्ट आणि सीन्सने सर्वत्र खळबळ उडवून दिली होती.

'कामसूत्र: अ टेल ऑफ लव्ह' नंतर हिमांशूने आणखी बरेच चित्रपट केले पण तो अनुभव सिन्हा यांच्या 'तुम बिन' चित्रपटातून लोकप्रिय झाला. या चित्रपटात हिमांशूशिवाय राकेश बापट, प्रियांशु चॅटर्जी आणि संदली सिन्हा यांच्या प्रमुख भूमिका होत्या. हा चित्रपट २००१ साली प्रदर्शित झाला होता, जो बॉक्स ऑफिसवर हिट ठरला होता. या चित्रपटातील गाणी आजही प्रसिद्ध आहेत. 'तुम बिन' हिट झाल्यानंतर हिमांशू मलिक रातोरात हिट झाला.

या चित्रपटाच्या यशानंतर त्याने 'LOC कारगिल', 'रोग', 'कोई आप सा', 'यमला पगला दीवाना' आणि '3 स्टोरीज' सारखे चित्रपट केले. २००० मध्ये त्याने 'जंगल' चित्रपटात काम केले. यासोबतच हिमांशूने अभिनेत्री मल्लिका शेरावतसोबतही एक चित्रपट केला होता, ज्याचे नाव होते 'ख्वाहिश'. हिमांशूचे या चित्रपटातील १७ किसिंग सीन खूप चर्चेत आले पण बॉक्स ऑफिसवर हा चित्रपट फ्लॉप ठरला.

'ख्वाहिश'च्या अपयशानंतर हिमांशूचे करिअरही त्याच्या चित्रपटाप्रमाणे बॉक्स ऑफिसवर बुडाले. त्याला कमी चित्रपटांच्या ऑफर्स येऊ लागल्या. अशा स्थितीत हिमांशू अचानक गायब झाला. तब्बल २१ वर्षांनंतर २०२२ मध्ये तो पुन्हा 'चित्रकूट' चित्रपटातून कलाविश्वात परतला. यावेळी त्याने अभिनेता आणि दिग्दर्शक म्हणून बॉलिवूडमध्ये पदार्पण केले. पण दुर्दैवाने त्याचा हा चित्रपटही मोठा फ्लॉप ठरला.

'चित्रकूट' चित्रपटावेळी हिमांशूने नवभारत टाईम्सला मुलाखत दिली होती. त्यावेळी त्याने बॉलिवूड प्रवासाबद्दल बरेच काही सांगितले होते. यावेळी त्याने अनेक धक्कादायक खुलासेही केले. त्याने सांगितले होते की बॉलिवूडमध्ये राहण्यासाठी त्याला खोटे अफेअर ठेवण्यासाठी दबाव टाकण्यात आला होता, जो तो करू शकला नाही आणि त्याने स्वत:ला बॉलिवूडपासून दूर केले.

हिमांशूने सांगितले होते की, त्याला एका मोठ्या मासिकाच्या प्रकाशनाचा कॉल आला होता, ज्यामध्ये त्याला अफेअर करण्यास सांगितले होते. जर तुमचे आगामी अभिनेत्रीशी प्रेमसंबंध असेल तर ते एक चांगली स्टोरी बनेल. हे कळले तेव्हा हे जाणून त्याला आश्चर्य वाटले. प्रसिद्धीशिवाय कोणीही स्टार होत नाही. आम्ही एक-दोन उमेदवारांशी बोलू, ते तुमच्यासारखेच प्रसिद्ध असतील. आम्ही तुम्हाला गोव्यात एक खोली देखील मिळवून देऊ. तुम्ही तिथे जा आणि आम्ही उघड करू. धक्कादायक आहे ना?'