WOW! नव्या वर्षात ‘फ्रेश’ जोड्यांचा ‘फ्रेश’ रोमान्स, बॉलिवूडमध्ये पहिल्यांदाच दिसणार या नव्या जोड्या

Fresh On-Screen Pairings In Bollywood : बॉलिवूडचे चाहते असाल तर ही बातमी तुमच्यसाठी आहे. होय, 2022 या नववर्षात तुम्हाला अनेक नव्या जोड्यांचा रोमान्स पडद्यावर पाहायला मिळणार आहे. यावर एक नजर...

कार्तिक आर्यन व कियारा अडवाणी या फ्रेश जोडीची फ्रेश केमिस्ट्री तुम्हाला बघायला मिळणार आहे. ‘भूल भुलैय्या 2’ या सिनेमात ही जोडी एकत्र दिसणार आहे.

वरूण धवण व कियारा अडवाणी हे दोघं पहिल्यांदा एकत्र येणार आहे. होय, चित्रपटाचं नाव आहे जुग जुग जिओ. या चित्रपटात अनिल कपूर व नीतू कपूर यांच्याही महत्त्वपूर्ण भूमिका आहेत.

सारा अली खान व सुशांत सिंग राजपूतची जोडी प्रेक्षकांना आवडली होती. सारा व कार्तिक आर्यन यांची पडद्यावरची केमिस्ट्रीही प्रेक्षकांना भावली होती. आता सारा व विकी कौशलची जोडी जमणार आहे. होय, लवकरच ही जोडी एकत्र काम करताना दिसणार आहे.

दीपिका पादुकोण व हृतिक रोशन यांच्या ‘फायटर’ या सिनेमाची घोषणा कधीच झालीये. दीपिका व हृतिकचा एकत्र असा हा पहिला सिनेमा असणार आहे. ही जोडी पडद्यावर वाहायला फॅन्स कमालीचे उत्सुक आहेत.

भूमी पेडणेकर ही पहिल्यांदा राजकुमार रावसोबत काम करताना दिसणार आहे. ‘बधाई हो’चा सीक्वल ‘बधाई दो’ या सिनेमा ही नवी फ्रेश जोडी पाहायला मिळणार आहे.

अनन्या पांडे साऊथ डेब्यू करतेय आणि तिच्या या सिनेमात तिचा हिरो असणार आहे साऊथचा सुपरस्टार विजय देवरकोंडा. ‘लायगर’ या चित्रपटात अनन्या व विजयची रोमॅन्टिक केमिस्ट्री पाहायला फॅन्स सुपर एक्साइटेड आहेत.

‘मिस वर्ल्ड 2017’ मानुषी छिल्लरचा बॉलिवूड डेब्यू होतोय. पहिल्याच सिनेमात ती अक्षय कुमारसोबत काम करताना दिसणार आहे. ‘पृथ्वीराज’ या सिनेमात ही जोडी पाहायला मिळणार आहे.

कतरिना कैफ पहिल्यांदा सिद्धांत चतुर्वेदी व इशांत खट्टरसोबत काम करताना दिसणार आहे. या चित्रपटाचं नाव आहे ‘फोन भूत’.

आयुष्यमान खुराणा व रकुलप्रीत सिंग यांची जोडी ‘डॉक्टर जी’ या चित्रपटात एकत्र झळकणार आहे.

रणवीर सिंग पहिल्यांदा जॅकलिन फर्नांडिससोबत झळकणार आहे. या दोघांच्या सिनेमाचं नाव आहे, ‘सर्कस’.