जाणून घ्या ऋषी कपूर यांच्याविषयी या १० इंटरेस्टिंग गोष्टी

ऋषी कपूर यांचा जन्म ४ सप्टेंबरला राज कपूर यांच्या कुटुंबात झाला. राज कपूर यांना चित्रपटसृष्टीत काम करण्याची संधी देखील त्यांच्या वडिलांनीच दिली.

ऋषी यांना रणधीर आणि राजीव अशी दोन भावंडं आहेत. पण या तिघांमध्ये लहानपणापासून ऋषी प्रचंड खट्याळ होते.

ऋषी कपूर सगळ्यात पहिल्यांदा श्री ४२० मधील प्यार हुई एकरार हुआ या गाण्यात त्यांचे वडील राज कपूर यांच्यासोबत झळकले. त्यानंतर त्यांनी मेरा नाम जोकर या चित्रपटात काम केले.

ऋषी कपूर यांनी डोन्ट स्टॉप ड्रिमिंग या इंग्रजी चित्रपटात काम केले होते. या चित्रपटाचा दिग्दर्शक शम्मी कपूर यांचा मुलगा आदित्य राज कपूर होता.

ऋषी कपूर यांनी 100 हून अधिक रोमँटिक चित्रपटांमध्ये काम केले. बॉलिवूडमधील प्रसिद्ध रोमँटिक हिरोंपैकी ते एक होते.

ऋषी कपूर यांची मुख्य भूमिका असलेला हिना हा चित्रपट राज कपूर दिग्दर्शित करणार होते. पण त्यांच्या निधनानंतर रणधीर कपूर यांनी या चित्रपटाचे दिग्दर्शन केले.

ऋषी कपूर यांनी अनेक नवोदित अभिनेत्रींसोबत काम केले. सगळ्यात जास्त नवोदित अभिनेत्रींसोबत काम करणारे ऋषी हे एकमेव अभिनेते होते असे म्हटले तरी ते चुकीचे ठरणार नाही.

नितू सिंग आणि ऋषी कपूर यांनी अनेक वर्षांच्या नात्यानंतर लग्न केले. त्या काळात त्यांची ऑनस्क्रीन जोडी प्रचंड गाजली होती.

ऋषी कपूर यांना कॅन्सरचे निदान झाल्यानंतर ते उपचारासाठी परदेशात गेले होते. ११ महिने उपचार घेतल्यानंतर ते भारतात परतले होते. या काळात त्यांच्या पत्नी नीतू सिंग सतत त्यांच्यासोबत होत्या.

ऋषी आणि नीतू यांना रणबीर आणि रिधिमा अशी दोन मुले आहेत. रिधीमाचे लग्न झालेले असून तिला एक मुलगी देखील आहे.