‘झुंड’ पाहिला असेलच?; आता आकाश ठोसरने शेअर केलेले हे ‘बिहाइन्ड द सीन’ फोटो बघा!

Jhund, Akash Thosar : अमिताभ बच्चन यांच्यासोबतच्या अनेक आठवणी फोटो रूपात आकाशने जपून ठेवल्या आहेत. प्रत्येक फ्रेममध्ये अमिताभ बच्चन आहेत.

नागराज मंजुळेंचा ‘झुंड’ हा सिनेमा तुम्ही पाहिला असेलच. अमिताभ बच्चन, आकाश ठोसर आणि गल्लीतल्या पोरांचा अभिनयही पाहिला असेल. आता या सिनेमाच्या सेटवरचे ‘बिहाइन्ड द सीन’ फोटो पाहा.

होय, आकाश ठोसरने ‘झुंड’ या चित्रपटाच्या सेटवरचे बिहाइन्ड द सीन फोटो शेअर केले आहेत. हे फोटो सध्या चांगलेच चर्चेत आहेत.

हे फोटो शेअर करण्याचं कारण काय तर, बच्चन. महानायक अमिताभ बच्चन यांच्यासोबत काम करण्याची संधी मिळणं हे प्रत्येक कलाकाराचं स्वप्न असतं.

आकाश ठोसरने हे स्वप्नं प्रत्यक्षात जगलं. अमिताभ यांच्यासोबत काम करण्याची संधी ‘झुंड’च्या निमित्ताने त्याला मिळाली.

अमिताभ बच्चन यांच्यासोबतच्या अनेक आठवणी फोटो रूपात आकाशने जपून ठेवल्या आहेत. प्रत्येक फ्रेममध्ये अमिताभ बच्चन आहेत.

कधी बिग बी सेटवर कलाकारांसोबत गप्पा मारत आहेत, कधी आकाशशी गंभीर चर्चा करताना दिसत आहेत. एका फोटोत त्यांनी आकाशच्या खांद्यावर हात ठेवलेला आहे.

आकाशने शेअर केलेल्या फोटोंवर चाहत्यांनी कमेंट्सचा वर्षाव केला आहे. ‘लकी आहेस भावा, शिकून घे होईल तेवढं सर्व,’अशी कमेंट एका चाहत्याने या फोटोवर केली आहे.

नागराज मंजुळे दिग्दर्शित ‘झुंड’ या चित्रपटाची जबरदस्त चर्चा झाली. समीक्षक, प्रेक्षकांसह अनेक सेलिब्रिटींनीही या चित्रपटाचं कौतुक केलं. चित्रपट बॉक्स ऑफिसवर हिट ठरला.

आमिर खानला ‘झुंड’ हा सिनेमा इतका आवडला की, सिनेमा पाहून तो चक्क रडला. माझ्याकडे सिनेमाचं कौतुक करायला शब्द नाहीयेत, असं तो म्हणाला.

‘झुंड’ हा चित्रपट स्लमसॉकरचे संस्थापक विजय बरसे यांच्या आयुष्यावर आधारित आहे. या चित्रपटात आकाश ठोसर आणि रिंकू राजगुरु हे दोघेही महत्त्वाच्या भूमिकेत आहेत.