Singer KK Funeral : अलविदा यारों...! केकेच्या अंत्यदर्शनासाठी पोहोचले सेलिब्रिटी, श्रेया घोषाल झाली भावुक

KK Funeral in Pictures: लोकप्रिय गायक केके उर्फ कृष्णकुमार कुन्नथ याने मंगळवारी अचानक जगातून एक्झिट घेतली. आज मुंबईत केकेचं पार्थिव अंत्यदर्शनासाठी ठेवण्यात आलं. अनेक सेलिब्रिटी त्याच्या अंत्यदर्शनासाठी पोहोचले.

लोकप्रिय गायक केके उर्फ कृष्णकुमार कुन्नथ याने मंगळवारी अचानक जगातून एक्झिट घेतली. हृदयविकाराच्या धक्क्यानं त्याचं निधन झालं. आज मुंबईत केकेचं पार्थिव अंत्यदर्शनासाठी ठेवण्यात आलं. अनेक सेलिब्रिटी त्याच्या अंत्यदर्शनासाठी पोहोचले.

केके मनोरंजनसृष्टीतील एक लोकप्रिय गायक होता. त्याने हिंदी, तामीळ, तेलुगु, बंगाली आणि कानडी भाषेत अनेक गाणी गायली. 'यारों', 'क्या मुझे प्यार है', 'पल' ही त्याची गाणी प्रचंड गाजली. एवढ्या लोकप्रिय गायकाचे अकाली निधन झाल्यामुळे अनेकांना धक्का बसला.

मुंबईतील वर्सोवा स्मशानभूमीत केकेवर अंत्यसंस्कार होणार आहेत. मुलगा केकेच्या पार्थिवाला मुखाग्नी देणार आहे.

केकेच्या अंत्यदर्शनासाठी आज सेलिब्रिटींनी गर्दी केली. गायिका श्रेया घोषाल यावेळी प्रचंड भावुक दिसली.

ज्येष्ठ गायक हरिहरन यांनी केकेला श्रद्धांजली अर्पण करत, त्याच्या कुटुंबाचं सांत्वन केलं.

शंकर महादेवन हेही केकेच्या अंत्यसंस्कारात सामील झाले. त्याच्या पार्थिवाचं दर्शन घेण्यासाठी ते पोहोचले.

गायक जावेद अली हा सुद्धा केकेच्या अंत्यसंस्कारासाठी पोहोचला.

गायक व संगीतकार सलीम मर्चंट यानेही केकेच्या घरी जात त्याचं अत्यदर्शन घेतलं.

दिग्दर्शक विशाल भारद्वाज हे सुद्धा केकेच्या अंत्यदर्शनासाठी पोहोचले.

विशाल भारद्वाज यांच्या पत्नी व गायिका रेखा भारद्वाज यांनीही केकेच्या पार्थिवाचं अंत्यदर्शन घेतलं.

ज्येष्ठ गायक अभिजीत भट्टाचार्य याने केकेला श्रद्धांजली अर्पण करत, त्याच्या कुटुंबीयांचं सांत्वन केलं.