लग्नानंतर मालामाल होणार विकी कौशल...; कतरिना कैफची संपत्ती बघून डोळे पांढरे होतील!!

Vicky Kaushal and Katrina Kaif : इतक्या कोटींची मालकीण आहे कतरिना, विकीजवळ आहे 22 कोटींची संपत्ती

बॉलिवूडची बहुचर्चित जोडी विकी कौशल व कतरिना कैफ लवकरच लग्नबंधनात अडकणार आहेत. या शाही विवाहसोहळ्याची तयारी जोरात सुरू आहेत. पण आज आम्ही कॅट व विकीच्या लग्नाबद्दल नाही तर त्यांच्या संपत्तीबद्दल सांगणार आहोत.

होय, लग्नानंतर कॅट व विकी दोघंही मालामाल होणार आहेत. तुम्हाला ठाऊक आहेच की, कतरिना ही बॉलिवूडची हायेस्ट पेड अभिनेत्री आहे. पाच वेळा ती ‘वर्ल्ड मोस्ट सेक्सिएस्ट वूमन’ राहिली आहे.

2019 मध्ये कॅट 100 सर्वाधिक कमाई करणा-या अभिनेत्रींच्या यादीत 23 व्या स्थानी होती. रिपोर्टनुसार, कतरिनाची नेटवर्थ सुमारे 220 कोटी आहे.

कतरिना वर्षाला सुमारे 23.64 कोटी रूपये कमावते. एका जाहिरातीसाठी ती 6 ते 7 कोटी रूपये घेते आणि एका चित्रपटासाठी 11 कोटींचे मानधन घेते.

कतरिनाचा होणारा पती विकी कौशल हा सुद्धा 2019 च्या फोर्ब्स इंडिया सेलिब्रिटींच्या यादीत सामील होता. रिपोर्टनुसार, त्याची एकूण नेटवर्थ 3 मिलियन डॉलर आहे. म्हणजे सुमारे 22 कोटी.

विकी कौशल दरवर्षी 3 कोटी रूपये कमावतो. एका सिनेमासाठी तो 3 ते 4 कोटी रूपये घेतो.

कतरिना लक्झरी लाईफ जगते. मुंबईतचं नाही तर विदेशातही तिची प्रॉपर्टी आहे. वांद्रे भागात तिचे 8 कोटींचं अपार्टमेंट आहे. लोखंडवालामध्ये 17 कोटींचं अपार्टमेंट आहे. एका पेंटहाऊसची ती मालकीन आहे. लंडनमध्येही तिचा बंगला आहे.

रेंज रोवर, मर्सिडीज बेंज, ऑडी क्यू 7, ऑडी क्यू 3 अशा अलिशान गाड्यांमधून ती फिरते. विकीने अलीकडे रेंज रोव्हर गाडी खरेदी केली आहे. त्याच्याकडे मर्सिडीज बेंज जीएलसी एसयूव्ही कार आहे.