आलिया - दीपिका नाही तर 'ही' अभिनेत्री आहे सगळ्यात व्यस्त, सलग ७ सिनेमे येणार रसिकांच्या भेटीला

अल्पावधीतच क्रिती सॅननने आपल्या अभियनातून रसिकांची पसंती मिळवली. तिची प्रत्येक भूमिका चाहत्यांना पसंत केली. क्रिती सॅनन बॉलिवूडमध्ये सर्वाधिक व्यस्त अभिनेत्री बनली आहे. कारण क्रिती एक नाही दोन नाही तर तब्बल सात सिनेमे तिचे प्रदर्शनासाठी तयार आहेत.

हम दो हमारे दो सिनेमातून राज कुमार रावसोबत क्रिती रसिकांचे मनोरंजन करणार आहे. या आधी 'बरेली की बर्फी' सिनेमातून दोघांनी रसिकांची वाहवा मिळवली होती.

बॉलिवूड अभिनेता वरुण धवन आणि क्रिती सॅनन भेडियाच्या माध्यमातून एकत्र येणार आहेत.याआधी दिलवाले चित्रपटात एकत्र झळकले होते.

'मिमी' क्रिती सरोगेट मदरची भूमिका साकारत आहे. 'मिमी' लवकरच ओटीटी प्लॅटफॉर्मवर रिलीज होणार आहे. सिनेमात सई ताम्हणकरचीही भूमिका आहे.

बच्चन पांडे सिनेमात अक्षय कुमारसोबत झळकणार आहे.अरशद वारसी, जॅकलिन फर्नांडिस, पंकज त्रिपाठी हे स्टारही या सिनेमात दिसणार आहेत.‘बच्चन पांडे’ हा सिनेमा 2021 मध्ये प्रदर्शित होणार आहे.

टायगर श्रॉफ आणि क्रिती दोघांनी त्यांच्या करिअरची सुरुवात 'हिरोपंती' या सिनेमातून केली होती. करिअरच्या सात वर्षानंतर पुन्हा एकदा ही जोडी 'गणपत' या सिनेमातून रसिकांच्या भेटीला येणार आहे.

याशिवाय आणखी काही सिनेमात क्रिती सध्या बिझी असली तरी सिनेमांची अधिकृत घोषणा करण्यात आलेली नाही.त्यामुळे सध्या तरी एका पाठोपाठ एक सिनेमातून वेगवेगळ्या अंदाजात ती रसिकांना पाहायला मिळणार आहे.

आपल्या अभिनयच्या जोरावर बॉलिवूडमध्ये स्वतःचं वेगळं स्थान निर्माण केलं आहे. क्रितीनं आतापर्यंत अनेक हिट सिनेमांमध्ये काम केलं आहे.

मागच्या बऱ्याच काळापासून क्रितीच्या या सिनेमांची सोशल मीडियावर चर्चा आहे.त्यामुळे आगामी काळात नक्कीच तिच्या अभिनयाच्या माध्यमातून चाहत्यांना ती मनोरंजनाची ट्रीटच देणार आहे.

अभिनयासोबतच तिच्या सौंदर्याच्याही चाहते प्रेमात पडतात.आज जगभरात तिचे चाहते आहेत. तिची प्रत्येक गोष्ट जाणून घेण्यात रसिकांनाही तितकाच रस असतो.