इंजिनीअरिंग करताना मॉडेलिंगची आवड; पहिल्या फॅशन शोनंतर खूप रडली, 'या' जाहिरातीमुळे लोकप्रिय

वाढदिवसानिमित्त अभिनेत्रीच्या आयुष्याशी संबंधित रंजक गोष्टी जाणून घेऊया.

अभिनेत्री क्रिती सनॉनने आपल्या अभिनयाने स्वत:ची एक वेगळी ओळख निर्माण केली आहे. 'बरेली की बर्फी', 'दिलवाले' आणि 'लुका छुपी' सारख्या हिट चित्रपटांमुळे ती अल्पावधीतच लोकप्रिय झाली. आज तिचा वाढदिवस आहे. वाढदिवसानिमित्त अभिनेत्रीच्या आयुष्याशी संबंधित रंजक गोष्टी जाणून घेऊया.

क्रिती सनॉन ही बॉलिवूडमध्ये येण्यापूर्वी इंजिनिअर होती. मीडिया रिपोर्ट्सनुसार, अभिनेत्रीने एका मुलाखतीत सांगितलं होतं की, तिने इंजिनिअरिंग सुरू असताना हौस म्हणून मॉडेलिंगला सुरुवात केली होती.

टीव्ही जाहिरातींसाठी काम करत असतानाच तिला शूटिंग आणि कॅमेरा फेस करण्याची आवड असल्याचं समजलं. त्यानंतर तिने या क्षेत्रात येण्याचा मोठा निर्णय घेतला.

क्रिती म्हणाली होती, "कमर्शियलमध्ये जास्त अभिनय करण्याची गरज नव्हती, पण मी जे काही केलं, त्यात मला खूप कम्फर्टेबल वाटलं. मी ज्या लोकांसोबत काम केलं होतं त्यांनी मला सांगितलं की, माझ्यात हा जन्मजात गुण आहेत जो मी सुधारला पाहिजे."

"मला हळूहळू कळलं की माझ्यात अभिनय करण्याची क्षमता आहे." क्रितीने एका मुलाखतीत तिच्या मॉडेलिंग दिवसातील एक खास किस्सा सांगितला होता. अभिनेत्री म्हणाली, "मला माझा पहिला रॅम्प वॉक खूप चांगला आठवतो, कारण मी त्यात गोंधळ घातला होता."

"शो दिल्लीत होता आणि मी लॉनवर फिरत होते. उंच टाचांच्या चपला घालून चालणं अवघड झालं होतं. हा माझा पहिला रॅम्प वॉक होता. मी खूप घाबरले होते. मला आठवतं की ऑटोमध्ये मागे बसले होते आणि मला खूप वाईट वाटत होतं, मी रडायला लागले. मी ते कधीच विसरू शकत नाही."

क्रितीने सुरुवातीला टूथपेस्ट ब्रँडची जाहिरात केली होती, त्यामुळे ती खूप लोकप्रिय झाली. तिचा स्क्रीन प्रेझेन्स प्रेक्षकांना खूप आवडला. तिचे असंख्य चाहते असून ते तिच्या अदांवर फिदा होतात.

बऱ्याच लोकांना असं वाटतं की, क्रिती सेनन पहिल्यांदा हिंदी चित्रपट 'हिरोपंती' (२०१४) मध्ये दिसली होती, परंतु अभिनेत्रीने बॉलिवूडमध्ये पदार्पण करण्यापूर्वीच तेलुगु फिल्म इंडस्ट्रीत स्वतःचं नाव कमावलं होतं.

क्रितीने सुपरस्टार महेश बाबूसोबत 'थ्रिलर 1: नॅनोक्काडाइन'मध्ये काम केलं होतं. या चित्रपटाला संमिश्र प्रतिसाद मिळाला, पण बॉक्स ऑफिसवर चांगली कामगिरी केली.

क्रिती सनॉन सोशल मीडियावर खूप एक्टिव्ह असून ती नेहमीच तिचे ग्लॅमरस फोटो शेअर करत असते. क्रिती सध्या लोकप्रिय अभिनेत्रींपैकी एक असून नेहमीच तिची चर्चा होत असते.