महानायक ज्येष्ठ अभिनेते दिलीपकुमार यांचे नाशिकशी ऋुणानुबंध

हिंदी चित्रपटसृष्टीचे महानायक ज्येष्ठ अभिनेते दिलीप कुमार (मोहम्मद युसुफ खान) यांचे नाशिकशी बालपणाचे ऋणानुबंध जोडले गेले आहेत. त्यांच्या आई-वडिलांच्या कबरी आजही त्याची साक्ष देतात. येथील छावणी परिषदेच्या देवळाली कॅम्प भागात त्यांचे बालपण गेले.

दिलीपकुमार हे देवळाली कॅम्पच्या बार्न्स स्कुलचे विद्यार्थी

दिलीपकुमार हे देवळाली कॅम्पच्या बार्न्स स्कुलचे विद्यार्थीही होते. तसेच येथील मुसा कॉटेजमध्ये त्यांनी अक्षरओळखीचे (बालवाडी) धडे गिरविले होते. येथूनच दिलीपकुमार यांनी तारुण्यात पुणे गाठले होते.

दिलीपकुमार आपल्या आईच्या बरसीच्या (वर्षश्राध्द) तारखेला देवळाली कॅम्प येथील कब्रस्तानात

दिलीपकुमार आपल्या आईच्या बरसीच्या (वर्षश्राध्द) तारखेला देवळाली कॅम्प येथील कब्रस्तानात पत्नी अभिनेत्री सायरा बानो यांच्यासह हजेरी लावत असे. सुमारे पंधरा ते वीस वर्षांपुर्वी ते येथील कब्रस्तानात आपल्या आई-वडिलांच्या कबरींवर पुष्पांची चादर अर्पण करण्यासाठी आले होते. त्यावेळी नाशिक लोकमतचे वरिष्ठ छायाचित्रकार प्रशांत खरोटे यांनी त्यांची छायाचित्रे टिपली होती.

दिलीपकुमार यांच्या मातोश्री आयेशा गुलाम सरवर खान यांचे देवळाली कॅम्पमध्येच निधन झाले होते.

त्यांचे वडील गुलाम सरवर खान हे त्यावेळेचे नाशिकचे प्रसिध्द फळ बागायतदार होते. त्यांच्याकडून देवळाली कॅम्प येथील भारतीय सैन्यदलाच्या आर्टीलरी सेंटरमध्ये फळांचा पुरवठाही केला जात असे. त्यांचे येथे मोठे घरदेखील होते.

इगतपुरी तालुक्यातील नांदूरवैद्य येथे सन १९६१-६२ सालात अभिनेते दिलीप कुमार व वैजयंती माला यांचा सुपरहीट ठरलेल्या गंगा जमुना या चिञपटाचे संपूर्ण चिञीकरण नांदूरवैद्य येथील रोकडे वाड्यात

सुपरस्टार दिलीप कुमार यांच्या निधनाच्या वृत्तावर संपूर्ण देशासह इगतपुरी तालुक्यातील चिञीत झालेल्या 'गंगा जमुना' या सुपरहीट चित्रपटातील सलग तीन वर्ष चिञीकरण चाललेल्या नांदूरवैद्य येथील ज्या ब्रिटिशकालीन रोकडे वाड्यात संपूर्ण चिञपट चिञीत केला गेला या आठवणींना उजाळा देत त्या रोकडे वाड्याचे मालक राजाभाऊ रोकडे यांच्यासह त्या काळातील जेष्ठ नागरिक व ग्रामस्थांच्या वतीने अभिनेते दिलीप कुमार यांना श्रद्धांजली अर्पण करण्यात आली.