बॉलिवूड कलाकारांनी दिलं त्यांचं बहुमूल्य मत; शेअर केले मतदान केल्याचे फोटो

विधानसभा सार्वत्रिक निवडणुकीसाठी आज महाराष्ट्रात मतदान होत आहे.

त्यासाठी मुंबई शहर जिल्हा आणि उपनगरात एकूण ३६ विधानसभा मतदारसंघांतील निवडणूक यंत्रणा सज्ज झाली आहे.

मतदारांनी घराबाहेर पडून जास्तीत जास्त मतदान करावे, यासाठी आयोगाकडून सातत्याने मतदार जागृती करण्यात येत आहे.

दरम्यान, या लोकशाहीच्या उत्सवात सर्वसामान्यांसह मनोरंजनविश्वातील कलाकारमंडळीही आपला मतदानाचा हक्क बजावताना दिसत आहेत.

बॉलिवूडचा खिलाडी कुमार म्हणजेच अभिनेता अक्षय कुमारनेही या विधानसभा निवडणुकीत मतदानाचा हक्क बजावला आहे.भारतीय नागरिकत्व मिळाल्यावर पहिल्यांदाच अक्षयने विधानसभा निवडणुकीसाठी मतदान केलं.

सध्या महाराष्ट्रात विधानसभा निवडणूक तर हिंदी मनोरंजनविश्वात 'भूल भुलैय्या-३' या चित्रपटाची चर्चा आहे. दरम्यान, आज 'भूल भुलैय्या-३' फेम अभिनेता कार्तिक आर्यननेही मुंबईत मतदान केलं आहे.

अभिनेत्री श्रद्धा कपूरने आपल्या कुटुंबीयांसमवेत मतदानाचा हक्क बजावला आहे.

अभिनेत्री रवीना टंडन आणि तिची लेक राशा यांनी मतदान केलं. त्यांचा फोटो सोशल मीडियानवर समोर आला आहे.

जेष्ठ बॉलिवूड अभिनेते प्रेम चोप्रा हे देखील मतदान करण्यासाठी वोटिंग सेंटवर पोहोचले.

'मुंज्या' फेम अभिनेत्री शर्वरी वाघने मतदान केल्याचा फोटो सोशल मीडियावर शेअर केला आहे.

बॉलिवूडची 'रंगीला गर्ल' महाराष्ट्राची मुलगी अभिनेत्री उर्मिला मातोंडरने मतदान करत चाहत्यांना मत देण्याचं आवाहन केलं आहे.