ना ऐश्वर्या, ना सुश्मिता जगातील सुंदर महिला होण्याचा बहुमान पटकावला दीपिका पादुकोणनं

Deepika Padukone : दीपिका केवळ भारतातच नाही तर परदेशातही खूप लोकप्रिय आहे.

दीपिका पादुकोण ही बॉलिवूडमधील प्रतिभावान आणि सुंदर अभिनेत्री मानली जाते. दीपिका केवळ भारतातच नाही तर परदेशातही खूप लोकप्रिय आहे.

‘ओम शांती ओम’ मधून तिने बॉलिवूडमध्ये कारकीर्दीची सुरूवात केली. दीपिकाने अनेक सुपरहिट चित्रपट दिले आहेत. तिने आपल्या अभिनयाच्या जोरावर प्रेक्षकांच्या मनावर अधिराज्य गाजविले आहे.

आता तिने आणखी एक आंतरराष्ट्रीय बहुमान पटकावला आहे. दीपिका पादुकोणचा जगातील टॉप १० सुंदर महिलांच्या यादीत समावेश झाला आहे.

नुकतीच एका शास्त्रज्ञाने ही जाहीर केली आहे. त्याने जगातील सर्वात सुंदर महिलांच्या सौंदर्य मोजण्यासाठी एका प्राचीन ग्रीक तंत्राचा वापर केला. त्यासोबत त्याचे कॉम्युटरवर मॅपिंग केले आणि निष्कर्ष काढला. या पद्धतीला ‘गोल्डन रेशो ऑफ ब्युटी’ असेही म्हणतात.

त्याच्या तंत्रानुसार जोडी कॉमर हिला जगातील सर्वात सुंदर महिला घोषित करण्यात आले आहे. त्याचबरोबर बियॉन्से आणि किम कार्दशियन यांनीही टॉप १० मध्ये आपले स्थान निर्माण केले आहे.

बॉलिवूड अभिनेत्री दीपिका पदुकोण ही जगातील १० सर्वात सुंदर महिलांच्या यादीत समावेश झालेली एकमेव भारतीय अभिनेत्री ठरली आहे.

या यादीत दीपिका नवव्या क्रमांकावर आहे. तिला ९१.२२ गुण मिळाले आहेत.

प्राचीन ग्रीकच्या मते, एखाद्याच्या चेहऱ्यावर आणि शरीरावरील विशिष्ट गुणोत्तरानुसार सौंदर्य मोजले जाऊ शकते.

या यादीत झेंडाया, बेला हदीद, बियॉन्से, एरियाना ग्रांडे, टेलर स्विफ्ट, जॉर्डिन डन, किम कार्दशियन, दीपिका पदुकोण आणि होयॉन जंग या १० महिलांनी स्थान पटकावले आहे.