Sidharth Kiara : सिद्धार्थ मल्होत्रा-कियारा अडवाणी यांच्यात सर्वात जास्त श्रीमंत कोण?; संपत्ती पाहून व्हाल चकित

Sidharth Kiara Net Worth : सिद्धार्थ मल्होत्रा ​​आणि कियारा अडवाणी यांनी त्यांच्या करिअरची सुरुवात वेगळी केली होती पण आता दोघेही लवकरच लग्नबंधनात अडकणार आहेत.

बॉलिवूड अभिनेत्री कियारा अडवाणी आणि अभिनेता सिद्धार्थ मल्होत्रा उद्या 7 फेब्रुवारीला विवाहबंधनात अडकणार आहेत. राजस्थानातील जैसलमेर येथील सूर्यगढ पॅलेसमध्ये हा शाही विवाहसोहळा पार पडणार आहे. अगदी मोजक्या लोकांच्या उपस्थित होणाऱ्या या लग्नसोहळ्याला बॉलिवूडचे दिग्गज हजर राहणार आहेत.

करण जोहर, मनीष मल्होत्रा, शाहिद कपूर आणि मीरा कपूर यांसह अनेक कलाकार जैसरमेरला पोहोचले आहेत. या शाही विवाहसोहळ्याचे अनेक फोटो आणि व्हिडीओ सध्या व्हायरल होत आहे. सूर्यगढ पॅलेस अगदी राजमहालासारखा सजवण्यात आला आहे. पाहुण्यांच्या स्वागतासाठी लग्नस्थळी राजस्थानी खास लोककलावंतांची व्यवस्था करण्यात आली आहे.

लग्नासाठी सूर्यगढ पॅलेसवरील लक्झरी व्हिला बुक करण्यात आहे. या व्हिलामध्ये तब्बल 84 खोल्यांचं बुकिंग करण्यात आलं आहे. तर पाहुण्यांसाठी 70 गाड्याही बुक करण्यात आल्या आहेत. सूर्यगढ पॅलेसवरील एका दिवसाचं भाडं एक ते दोन कोटींच्या घरात आहे. अख्खा महल सजवण्यात आला आहे. फुलांचे गालिचे अंथरले आहेत.

सिद्धार्थ मल्होत्रा ​​आणि कियारा अडवाणी यांनी त्यांच्या करिअरची सुरुवात वेगळी केली होती पण आता दोघेही लवकरच लग्नबंधनात अडकणार आहेत. याच दरम्यान सिद्धार्थ आणि कियारामध्ये कोण सर्वात जास्त श्रीमंत आहे हे जाऊन घेऊया...

मीडिया रिपोर्ट्सनुसार, सिद्धार्थ-कियारा यांची एकूण संपत्ती कोट्यवधींची आहे. सिद्धार्थ मल्होत्राची एकूण संपत्ती 85 कोटी आहे आणि कियारा अडवाणीची एकूण संपत्ती 85 कोटी रुपये आहे. सिद्धार्थ प्रत्येक चित्रपटासाठी 7-8 कोटी रुपये घेतो आणि कियाराच्या प्रत्येक चित्रपटाची 4-5 कोटी रुपये फी आहे.

चित्रपटांसाठी भरघोस फी आकारण्याव्यतिरिक्त, हे जोडपे ब्रँड एन्डोर्समेंटमधूनही चांगली कमाई करतात. रिपोर्ट्सनुसार, सिद्धार्थ एका ब्रँड एन्डोर्समेंटमधून 2-4 कोटी रुपये कमावतो आणि कियारा 1-3 कोटी रुपये कमावते.

सिद्धार्थ मल्होत्राचा मुंबईत वांद्रे येथे सी-फेसिंग बंगला असून त्याची किंमत कोट्य़वधी आहे. तसेच कियाराचं सुंदर अपार्टमेंट देखील 15 कोटी किंमतीच आहे.

सिद्धार्थ मल्होत्राकडे 2.26 कोटींची लँड रोवर आणि 1.86 कोटी रुपयांची मर्सिडीज मेबॅक कार आहे. कियाराकडे 1.56 कोटी रुपयांची ऑडी A89L सेडान, 60 लाख रुपयांची मर्सिडीज बेंझ E220D आणि दोन BMW आहेत. एका हिंदी वेबसाईटने याबाबतचे वृत्त दिले आहे.