पल्लवी जोशीच्या भाचीपुढे बॉलिवूड अभिनेत्रीही आहेत फेल; न्यूयॉर्कमध्ये राहणारी अनुजा ठरतीये ओटीटी क्वीन

Pallavi joshi: हॅलो मिनी या वेब सीरिजमध्ये अनुजाने मुख्य भूमिका साकारली. विशेष म्हणजे या सीरिजमुळे तिला विशेष लोकप्रियता मिळाली.

मराठी कलाविश्वातील लोकप्रिय अभिनेत्री म्हणजे पल्लवी जोशी. मराठीसह हिंदी मालिका, चित्रपटांमध्ये पल्लवीने तिच्या अभिनयाचा डंका वाजवला आहे.

राष्ट्रीय पुरस्काराची मानकरी ठरलेल्या पल्लवीने लहान असतानाच अभिनयाच्या कारकिर्दीला सुरुवात केली.

१९८० ते १९९० या काळात पल्लवीने रुक्मावती की हवेली,सूरज का सातवां घोड़ा, त्रिशग्नि, सौदागर, तहलका आणि मुजरिम अशा काही चित्रपटांमध्ये काम केलं. त्यामुळे पल्लवी साऱ्यांनाच ठावूक आहे.

अभिनयामुळे चर्चेत येणारी पल्लवी यावेळी तिच्या भाचीमुळे चर्चेत येत आहे.

पल्लवीचा भाऊ अलंकार जोशी न्यूयॉर्कमध्ये राहात असून ते प्रसिद्ध व्यावसायिक आहेत. त्यांच्याच लेकीची सध्या सोशल मीडियावर चर्चा होत आहे.

पल्लवीच्या भाचीचं नाव अनुजा जोशी असं असून तिने न्यूयॉर्कमधूनच तिचं शिक्षण पूर्ण केलं आहे.

अनुजाने तिच्या करिअरची सुरुवात मॉडलिंगपासून केली. त्यानंतर ती काही वेबसीरिजमध्ये झळकली.

हॅलो मिनी या वेब सीरिजमध्ये अनुजाने मुख्य भूमिका साकारली. विशेष म्हणजे या सीरिजमुळे तिला विशेष लोकप्रियता मिळाली.

हॅलो मिनी व्यतिरिक्त ती ब्रोकन बट ब्युटीफूलमध्येही झळकली आहे.

सध्या अनुजा तिच्या वेबसीरिजमुळे चर्चेत येत असून ओटीटीवर ती विशेष लोकप्रिय आहे.

अनुजाने अलिकडेच UK स्थित अंकुर राठीसोबत लग्न केलं. या लग्नसोहळ्याचे फोटोही सोशल मीडियावर व्हायरल झाले होते.

अनुजाचा जन्म अमेरिकेमध्ये झाला असून तेथेच ती लहानाची मोठी झाली आहे. तसंच तिला अनिषा ही बहीण आणि एक भाऊदेखील आहे.