"माझी बायको आहे आठवं आश्चर्य", निर्मात्याने असं का म्हटलं?; प्रसिद्ध अभिनेत्रीशी केलंय लग्न

Ravindar Chandrasekaran : साऊथची लोकप्रिय अभिनेत्री महालक्ष्मी आणि तिचा पती-निर्माता रविंद्र चंद्रशेखरन याची नेहमीच चर्चा रंगली असते.

साऊथची लोकप्रिय अभिनेत्री महालक्ष्मी आणि तिचा पती-निर्माता रविंद्र चंद्रशेखरन याची नेहमीच चर्चा रंगली असते. या दोघांना फोटोंवरून अनेकदा ट्रोल केलं जातं. पण एकमेकांबद्दल प्रेम आणि समर्पण दाखवण्यापासून ते मागे हटत नाहीत. याच दरम्यान रविंद्रने आता आपल्या सुंदर पत्नीसाठी एक खास पोस्ट लिहून तिचे आठवे आश्चर्य म्हणून वर्णन केलं आहे.

रविंद्रने काही दिवसांपूर्वी पत्नी महालक्ष्मीसाठी एक हृदयस्पर्शी पोस्ट केली होती. व्हॅलेंटाईन डे साजरा करण्यात आला असून यावेळीही दोघांनी एकमेकांवरील प्रेम व्यक्त केले. याच दरम्यान, त्यांची एक जुनी पोस्टही व्हायरल झाली होती.

ही गोष्ट त्यावेळची आहे जेव्हा दोघांच्या लग्नाला अवघे चार महिने झाले होते. ख्रिसमसच्या निमित्ताने या अभिनेत्याने आपल्या पत्नीसाठी एक पोस्ट लिहिली आणि तिला आपल्या आयुष्यातील आठवे आश्चर्य म्हणत आपलं प्रेम व्यक्त केलं होतं.

रविंद्रने लिहिलं होतं, 'माझ्या आयुष्यातील आठवे आश्चर्य म्हणजे माझी पत्नी'. यासोबतच साऊथ अभिनेत्री महालक्ष्मीनेही या पोस्टवर रिप्लाय देत लिहिले की, 'लोक काय म्हणतात याने काही फरक पडत नाही. शेवटच्या श्वासापर्यंत प्रेम करेन. तुझ्याशिवाय मी काही नाही. तुम्ही माझे सर्वस्व आहात'.

महालक्ष्मीचे दुसऱ्यांदा एका निर्मात्याशी लग्न झाले आहे. याआधी अभिनेत्रीने अनिल नेरेदिमिलीसोबत लग्न केलं होतं. तो आधीच विवाहित होता आणि त्याला एक मूलही आहे. याच दरम्यान, दोघांमध्ये अनेक वाद झाले.

रिपोर्ट्सनुसार, या वादांमध्ये निर्माता रविंद्र चंद्रशेखरन यांनी त्यांना खूप पाठिंबा दिला होता. दरम्यान, प्रेमात फसवणूक झालेली अभिनेत्री त्याच्या खूप जवळ आली होती. नंतर दोघांनी लग्न करण्याचा निर्णय घेतला आणि गेल्या वर्षी म्हणजे सप्टेंबर 2022 मध्ये दोघांनी लग्न केले.

रविंद्रसोबत लग्न करण्याच्या महालक्ष्मीच्या निर्णयाचे चाहत्यांनी स्वागत आणि आदर केला. पण त्याचवेळी काही नेटकऱ्यांनी आक्षेप होता. लोकांनी त्याचा निर्णय चुकीचा ठरवला. याचे कारण रवींद्र अनफिट आहे. पण अभिनेत्री आपले प्रेम व्यक्त करण्यास मागे हटत नाही. एका हिंदी वेबसाईटने याबाबतचे वृत्त दिले आहे.