Rekha-Alia Bhatt : रेखाच अधिक सुंदर...! सदाबहार अभिनेत्रीपुढे आलियाही पडली फिकी, पाहा फोटो

Rekha, Alia Bhatt, Dadasaheb Phalke Award: रेखा यांच्या आरस्पानी सौंदर्यापुढे सगळ्याच अभिनेत्री फिक्या ठरतात. दादासाहेब फाळके पुरस्कार सोहळ्यातही हेच दिसलं...

रेखा यांच्या आरस्पानी सौंदर्यापुढे सगळ्याच अभिनेत्री फिक्या ठरतात. दादासाहेब फाळके पुरस्कार सोहळ्यातही हेच दिसलं...

दादासाहेब फाळके इंटरनॅशनल फिल्म फेस्टिव्हल पुरस्कार सोहळा 2023 नुकतंच पार पडला. या सोहळ्याची सर्वाधिक चर्चा झाली ती आलिया भट आणि सदाबहार रेखा या दोघींमुळे.

होय, रेखा व आलिया यांनी अगदी हातात हात घालून रेड कार्पेटवर एन्ट्री घेतली आणि सर्वांच्या नजरा या दोघींवर खिळल्या. रेखा त्यातल्या त्यात भलत्याच भाव खाऊन गेल्यात.

होय, सदाबहार रेखांमुळे आलियाही फिकी ठरली. आलियाने पांढऱ्या रंगाची साडी परिधान करुन 'गंगूबाई काठियावाडी'ची आठवण करुन दिली. तर दुसरीकडे रेखा नेहमीप्रमाणे गोल्डन सिल्क साडीत दिसून आल्या.

रेखा यांनी आलियाला बघताच तिला मिठी मारली. तिचं मनापासून कौतुक केलं. तिच्या गालाचं चुंबन घेत, तिचे लाड केलेत. रेखा यांचा हा क्यूट अंदाज चाहत्यांना चांगलाच भावला.

स्टेजवरही आलिया व रेखा एकत्र दिसल्या. रेखा यांच्या हस्ते आलियाला पुरस्कार प्रदान करण्यात आला. पुरस्कार दिल्यानंतर रेखा यांनी आलियाल घट्ट मिठी मारली.

रेखा व आलियाचे दादासाहेब फाळके आंतरराष्ट्रीय फिल्म फेस्टिव्हल सोहळ्यातील अनेक फोटो व व्हिडीओ सध्या व्हायरल होत आहेत. यावरच्या चाहत्यांच्या प्रतिक्रिया बघण्यासारख्या आहेत.

रेखा आणि आलियाच्या व्हायरल व्हडिओवर नेटकऱ्यांनी तुफान कमेंट्स केल्या आहेत. यामध्ये काहींनी कमेंट्स करत रेखा यांना नॅचरल ब्युटी म्हटलं आहे.

काही नेटकऱ्यांनी आलियासमोर रेखाच अधिक सुंदर दिसत असल्याचं म्हटलं आहे. रेखा यांच्या सौंदर्याला तोड नाही, म्हणत चाहत्यांनी रेखा यांना दाद दिली आहे.

या सोहळ्यात अभिनेता रणबीर कपूरलासुद्धा दादासाहेब फाळके पुरस्कार प्रदान करण्यात आला आहे. रणबीरला 'ब्रह्मास्त्र' या चित्रपटासाठी हा पुरस्कार देण्यात आला आहे. परंतु यावेळी रणबीरला उपस्थित राहता आलं नाही.